„შორენა თეთრუაშვილი საქართველოს ეკლესიისა და სახელმწიფოებრიობის მტრების პოზიციას წარმოადგენს“

„შორენა თეთრუაშვილი საქართველოს ეკლესიისა და სახელმწიფოებრიობის მტრების პოზიციას წარმოადგენს“ - მეუფე პეტრე

საზოგადოება - 15:12, 17 Feb, 2017

8941

ჭყონდიდის მიტროპოლიტი მეუფე პეტრე ე.წ. მატროსოვის ციხიდან გამოვიდა, სადაც იგი დეკანოზ გიორგი მამალაძეს შეხვდა. მეუფე პეტრემ შეხვედრიდან გამოსვლის შემდეგ ჟურნალისტებთან საუბრისას განაცხადა, რომ მისი ეჭვები 100%-ით გამართლდა. მეუფე პეტრეს თქმით, დეკანოზ გიორგი მამალაძის უდანაშაულობაში დარწმუნებულია.

შორენა თეთრუაშვილზე საუბრისას, მეუფემ აღნიშნა, რომ ეს ქალბატონი საქართველოს ეკლესიისა და საქართველოს სახელმწიფოებრიობის მტრების პოზიციას წარმოადგენს:

„დღემდე იბრძვიან ის ძალები, რომლებმაც მსგავსი მმართველობა დაამკვიდრეს ქვეყანაში და ეკლესიაში, სამწუხაროდ ამ ქალის მმართველობა დღემდე, ათწლეულების მანძილზე ყველაზე დიდი ტრაგედიაა და ნამდვილად ამ საუკუნო პრობლემას, არსებულს, ჩვენ, ქართველი ერი ერთად და ქრისტეს მოსიყვარულე, სახელმწიფოებრივად მოაზროვნე, ეროვნული სულისკვეთების ადამიანები აუცილებლად მივიყვანთ ერთად ბოლომდე. შორენა წარმოადგენს საქართველოს ეკლესიისა და საქართველოს სახელმწიფოებრიობის მტრების პოზიციას. ამაზე მთელი პასუხისმგებლობით ვაცხადებ“, - განაცხადა მეუფე პეტრემ.