"ხელისუფლების ქმედება ძლიერი საპატრიარქო კანდიდატის განეიტრალებისთვის"

"ხელისუფლების ქმედება ძლიერი საპატრიარქო კანდიდატის განეიტრალებისთვის" - ლევან სუთიძე

საზოგადოება - 23:37, 15 Feb, 2017

3284

ჟურნალისტი ლევან სუთიძე საპატრიარქოში არსებულ ორ ფრთას შორის დაპირისპირებაზე და ე.წ ციანიდის საქმის შესახებ საუბრობს.

"ახლა გვაქვს სიტუაცია, როდესაც ეკლესია დომინირებდა სახელმწიფოზე და ეს სიტუაცია რაღაცნაირად ამოყირავდეს და მივიღოთ რუსული მოდელი, როდესაც სახლემწიფო დომინირებს ეკლესიაზე, რაც უფორ საშიშია. და შესაბამისად, საქართველოს ეკლესიის 141-ე საჭეთმპყრობლის მემკვიდრედ იქცეს არაფორმალური მმართველისადმი ლოიალური პირი და მას შემოსონ ძოწისფერი მანტია,“ - განაცხადა ლევან სუთიძემ და იქვე დასძინა, რომ "უკიდურესაც მიუღებელია პუტინური რელიგიური მოდელი".

მისი თქმით, "ასეთი საქციელით შესაძლოა სიგნალი ეგზავნებოდეს სხვებსაც რომ თუ ჭკვიანად არ იქნებით, თქვენს წინააღმდეგაც დავიწყებთ იგივეს".

"ყველასთვის ცნობილია, რომ მეუფე დიმიტრის გარშემო საკმაოდ გავლენიანი ჯგუფია შემოკრებილი, მამა გიორგი რომელიც მისი გაზრდილია, პირველ რიგში ეს ფაქტი სწორედ მეუფე დიმიტრის ურტყავს"- თქვა სუთიძემ.

არჩევანის ეთერში ლევან სუთიძე შორენა თეთრუაშვილის მიმართ გამოთქმულ ბრალდებებზეც გაამახვილა ყურადღება.

„ამ რუხ კარდინალზე თავდასხმა, როგორც მეუფე პეტრე ამბობს, ცოტათი სამარცხვინოა, იმიტომ, რომ წითელი კარდინალები მაშინ რას მიკეთებენ, თუ რუხი კარდინალი აი ასე მართავს ეკლესიას, მაგრამ, რა თქმა უნდა, გავლენები აქვს და რა თქმა უნდა, არ გამოვრიცხავ, რომ რაღაც კორუფციაშიც იყოს გარეული,“ - განაცხადა ლევან სუთიძემ.