"მე ეკლესიიდან გამომაგდეს ის კი უკვე მთავარეპისკოპოსია...“ - შალვა თადუმაძე სკანდალურ პოსტს აქვეყნებს

საზოგადოება - 17:05, 15 Feb, 2017

43293

მთავრობის საპარლამენტო მდივანი შალვა თადუმაძე ეკლესიის გარშემო მიმდინარე პროცესებს ფეისბუქის პირად გვერდზეეხმაურება და 20 წლის წინ მომხდარ ფაქტს იხსენებს, თუ როგორ გამოაგდეს სიმართლის თქმის გამო.
"1998 წელს თბილისის ერთ-ერთ პრესტიჟულ ეკლესიაში მნათეთ ვმსახურობდი. საპატრიარქოს მაშინდელი ეკონომიკური სამსახურის განჩინებით, ყველა ეკლესიას დაევალა საპატრიარქოდან მიღებული სანთლის ყიდვა-გაყიდვის აღრიცხვა (ბუღალტერია) ეწარმოებია. ყველა ეკლესიას გამგებელი უნდა ყოლოდა, რომელი პასუხისმგებელი იქნებიდა ამ აღრიცხვაზე. ზემოთხსენებულ ეკლესიაში გამგებლობა მე მომანდეს. საპატრიარქოდან 10 შეკვრა სანთელი მოვიტანე იმ თვეს, მოძღვარმა ბაზრობიდან 100 შეკვრა მოიტანა. თვის ბოლოს მითხრა, რომ ორი შეკვრა დარჩა, 8 შეკვრის მეტი არ გაიყიდაო. აჰა საბუთები და მოაწერე ხელი და ჩააბარე საპატრიარქოსო, მაშინაც კაი ჯიუტი ვიყავი (არანაირი მორჩილება) და არათუ ხელი არ მოვაწერე საპატრიარქოს ეკონომიკურ სამსახურშიც კი დამიბარეს მოვალეობის შეუსრულებლობისთვის. მაღალი რანგის იერარქი რომ დავინახე 20 წლის "გამგებელს" მეგონა სიმართლე იზეიმებს მეთქი და მოვაღე პირი.
მეორე დღეს გამომაგდეს ეკლესიიდან, მაღალი იერარქი დღეს უკვე მთავარეპისკოპოსია, წმინდა სინოდის წმინდა წევრი, მოძღვარი გაბტწყინებული ჯვრით დეკანოზი, მე კი ისევ ისეთი ცოდვილი დავრჩი"- წერს თადუნაძე.