მძიმე ავადმყოფის მამუკა კოპლატაძის დედა დახმარებას ითხოვს

საზოგადოება - 16:18, 13 Feb, 2017

5405

ჩერნოვეცკის საქველმოქმედო ფონდის ბენეფიციარის – მამუკა კოპლატაძის ისტორია ნებისმიერს შეძრავს.

ნანატრი ვაჟი მამუკა ჯანმრთელი დაიბადა. არაფერი აწუხებდა და ოჯახი ბედნიერად ცხოვრობდა. მაგრამ ერთ საბედისწერო დღეს ის ავად გახდა. უბრალო გაციება ეგონათ, მაგრამ მენინგიტი აღმოჩნდა. 3 წლის მამუკას გულყრები დაეწყო. საავადმყოფომდე ძლივს მიაღწიეს. ექიმებმა სასწაულებრივ შეუნარჩუნეს მამუკას სიცოცხლე!

ექიმების მიერ დასმული დიაგნოზი განაჩენივით ჟღერდა: „თქვენს ბავშვს თავის ტვინის ქერქი აქვს დაზიანებული, და ახლა თუ გადარჩა, დიდხანს ვერ გასტანს და აღარასოდეს იქნება ისეთი, როგორიც იყო“ – მაგრამ დედისთვის სულ ერთი იყო, როგორი იქნებოდა მამუკა, მთავარია იგი დიდი ხანი ჰყოლოდა გვერდით!

მამა შვილის ავადმყოფობის შემდეგ მალევე გარდაიცვალა, ნერვიულობას გადაყვა. ქალბატონ ლალის – მამუკას დედას, სამსახურისთვის თავის დანებება მოუხდა და მთელი თავისი დრო და ენერგია შვილის მოვლას შეალია! უკვე 24 წელია მას როგორც ჩვილს ისე უვლის. ახლა მამუკა 27 წლისაა, მაგრამ დამოუკიდებლად ვერაფერს აკეთებს: ვერც ჭამს, არც წამოჯდომა შეუძლია... მხოლოდ ტირის, როდესაც რამე აწუხებს და დედას საშველად ეძახის!

წლების განმავლობაში ოჯახმა ყველაფერი ფასეული გაყიდა და ახლა სახლიდან შეიძლება გაასახლონ კიდევაც! ერთადერთი საარსებო წყარო მამუკას პენსიაა, რომელიც ხშირად წამლების საყიდლადაც კი არ ჰყოფნით.

სამკურნალო თანხის არარსებობის გამო, მამუკას მდგომარეობა დღითიდღე მძიმდება. მაგრამ ექიმების თქმით ძვირადღირებული მედიკამენტები და სარეაბილიტაციო კურსი მის მდგომარეობას გააუმჯობესებს!

რა შეგვიძლია გავაკეთოთ ამ დედა–შვილისთვის? როგორ დავუდგეთ გვერდში მათ ამ მძიმე დროს?

ჩერნოვეცკის საქველმოქმედო ფონდი იწყებს აქციას მამუკას დასახმარებლად. ამ ოჯახისთვის ყველანაირი დახმარება მნიშვნელოვანია!

თუ გაქვთ საშუალება ფინანსური დახმარება აღმოუჩინოთ მას თანხა შეგიძლიათ ჩარიცხოთ ფონდის ანგარიშზე GE15TB7194336080100003 ან GE64BG0000000470458000 (დანიშნულება: მამუკა კოპლატაძე) ან პირდაპირ ფონდის ვებ–გვერდიდან https://fsp.ge/ge/donate/176/

შესაძლებელია ზუსტად თქვენი მხარდაჭერა გახდეს გადამწყვეტი მამუკას გამოსაჯანმრთელებლად.

ტელ: 593192165-ლალი (დედა)