"ძალიან მძიმე ბრალდებაა, თუ არ აქვს ჩადენილი დანაშაული, გასცეს პასუხი"

"ძალიან მძიმე ბრალდებაა, თუ არ აქვს ჩადენილი დანაშაული, გასცეს პასუხი" - პატრიარქის მდივნის პირველი კომენტარი

საზოგადოება - 15:05, 13 Feb, 2017

20553

მკვლელობის მომზადების ფაქტზე დეკანოზ გიორგი მამალაძის დაკავების შესახებ პირველ კომენტარს "ნიუპოსტთან" აკეთებს პატრიარქის მდივანი მამა მიქაელ ბოტკოველი.
როგორც ბოტკოველი ამბობს, "თუ არ აქვს ამ ადამიანს ჩადენილი დანაშაული გასცეს პასუხი".
მამა მიქაელმა "ნიუპოსტთან" საუბრისას განაცხადა, რომ ის "არაფერს გამორიცხავს"...

"ამ ეტაპზე მე ვერც ვერაფერს გამოვრიცხავ და ვერც ვერაფერს დავადასტურებ, მიმდინარეობს გამოძიება. პროკურატურას გარკვეული მტკიცებულებები გააჩნია და მიყვებიან ამ კვალს. ძალიან მძიმე ბრალდებაა, თუ არ აქვთ ამ ადამიანებს, ან ამ ადამიანს ჩადენილი ეს გასცენ პასუხი. აგერ პროკურატურა და აგერ მოედანი. სხვა რა გითხრათ, ჩვენ ახლა მოვისმინეთ პროკურატურის განცხადება, არანაირი კომუნიკაცია მე არ მქონია ამ უწყების წარმომადგენლებთან ამ საკითხთან დაკავშირებით"- აღნიშნა მამა მიქაელ ბოტკოველმა.

მისი თქმით, სანამ გამოძიება არ დასრულდება საპატრიარქო განცხადების არ გააკეთებს.

"გამოძიება თვითონ დადებს გამოძიების შედეგს, თუ რა თქმა უნდა ასეთი რამ გააჩნია, ან დადებენ ბრალდებული რას იტყვის"- აღნიშნა პატრიარქის მდივანმა.

სასულიერო პირი ამბობს, რომ დაკავებული საპატრიარქოს ქონების მართვის სამსახურის უფროსის მოადგილედ ერთი წლის წინ დაინიშნა. კითხვაზე "შესაძლებელია თუ არა დაკავებულს თანამზრახველები ჰყავდეს", ბოტკოველი აღნიშნავს, რომ "ვერაფერს იტყვის".

"მე ისე კარგად არ ვიცნობ ამ ადამიანს" - დასძინა ბოტკოველმა.

დღეს გენერალკურ პროკურატურაში გამრთულ საგანგებო ბრიფინგზე ირაკლი შოთაძემ აღნიშნა, რომ: "2017 წლის 10 თებერვალს საქართველოს პროკურატურის თანამშრომლების მიერ ჩატარებული საგამოძიებო მოქმედებების შედეგად მკვლელობის მომზადების ფაქტზე ბრალდებულის სახით დაკავებული იქნა დეკანოზი გიორგი მამალაძე, რომელიც ე.წ. ციანიდით მაღალი სასულიერო პირის მოწამვლას გეგმავდა".