საგამოფენო ცენტრ „ექსპოჯორჯია“-ში განათლების საერთაშორისო გამოფენა გაიხსნა

საზოგადოება - 11:06, 16 Feb, 2017

3689

2017 წლის 16-17 თებერვალს საგამოფენო ცენტრში „ექსპოჯორჯია“ გაიმართება უმაღლესი და პროფესიული განათლების, საზღვარგარეთ სწავლისა და სტუდენტური სერვისების მე–7 საერთაშორისო გამოფენა – International Education Fair Georgia 2017.

ორგანიზატორი: საგამოფენო ცენტრი „ექსპოჯორჯია“

მხარდამჭერები: საქართველოს განათლების და მეცნიერების სამინისტრო, www.universityfairs.com; www.edu-guide.ge; www.edu.aris.ge;

გამოფენის ფარგლებში 100-მდე მონაწილე უნივერსიტეტი, საერთაშორისო საგანმანათლებლო ცენტრი და პროფესიული კოლეჯი იქნება წარმოდგენილი 16 სხვადასხვა ქვეყნიდან. დამთვალიერებლებს საშუალება ექნებათ მიიღონ ამომწურავი ინფორმაცია საქართველოსა და მსოფლიოში არსებული საბაკალავრო, სამაგისტრო და სადოქტორო პროგრამების, გაცვლითი პროგრამების, სტიპენდიების, გრანტებისა და სწავლის დაფინანსების შესაძლებლობების შესახებ.

მონაწილე ქვეყნები: საქართველო, ლიტვა, ლატვია, ესტონეთი, პოლონეთი, გერმანია, რუმინეთი, თურქეთი, უკრაინა, ინგლისი, აშშ, რომანია, რუსეთი, ჩეხეთი, ესპანეთი, ირლანდია.

გამოფენის სტუმრები შესძლებენ პირისპირ შეხვდნენ და გაესაუბრონ მონაწილე უნივერსიტეტებისა და ორგანიზაციების წარმომადგენლებს, მიიღონ პასუხები მათთვის საინტერესო შეკითხვებზე და ყველა საჭირო ინფორმაცია ბაკალავრიატზე, მაგისტრატურაზე, პროფესიულ თუ სადოქტორო პროგრამებზე სწავლის გაგრძელების შესახებ გადაწყვეტილების მისაღებად.

ღონისძიებაზე წარმოდგენილი იქნება: უმაღლესი სასწავლებლები, საგანმანათლებლო სააგენტოები, საერთაშორისო ორგანიზაციები და ფონდები, სტუდენტური სერვისები, ტრეინინგ ცენტრები, უცხო ენების სასწავლო ცენტრები და სხვა საგანმანათლებლო დაწესებულებები, ასევე საელჩოების მიერ წარმოდგენილი სასწავლო პროგრამები.

განათლების საერთაშორისო გამოფენა ყოვეწლიური ღონისძიებაა, მას 12 000–ზე მეტი ადამიანი სტუმრობს და რაოდენობა მუდმივად იზრდება. გამოფენის ოფიციალურად დღეს, 16 თებერვალს 11:00 საათზე მე-11 პავილიონში გაიხსნა.

გამოფენას ოფიციალურად გახსნა საქართველოს განათლებისა და მეცნიერების მინისტრმა, ბატონმა ალექსანდრე ჯეჯელავა.

გამოფენის სამუშაო საათები: 16-17 თებერვალი, 11:00-19:00

გამოფენის ჩატარების ადგილი: საგამოფენო ცენტრი „ექსპო ჯორჯია“, პავილიონი: 11

საკონტაქტო ინფორმაცია: marketing@expogeorgia.ge