ზუგდიდის რეფერალურ საავადმყოფოში ამ წუთებში ხმაურია. სამედიცინო დაწესებულების ეზოში, გარდაცვლილი ახალგაზრდას შოთიკო ცირდაიას ოჯახის წევრები საპროტესტო აქციას მართავენ. ისინი ახალგაზრდას გარდაცვალებაში ექიმებს სდებენ ბრალს და გულგრილობაში ადანაშაულებენ.

როგორც "ნიუპოსტს" ოჯახის ახლობელმა განუცხადა, პაციენტი პირველად სამედიცინო დაწესებულებაში 2016 წლის 17 ნოემბერს შეიყვანეს. როგორც ოჯახის წევრები აცხადებენ, გართულებული პნევმონიის დიაგნოზის მკურნალობის შემდეგ ავადმყოფი სახლში გაეწერა, თუმცა მათივე თქმით, ავადმყოფობა არ შეფასდა სათანადოდ , რის გამოც 24 ნოემბერს მისი ჯანმრთელობის მდგომარეობა გაუარესდა და მისი საავადმყოფოში გადაყვანა გახდა საჭირო. როგორც დედა ამბობს, მისმა შვილმა რეანიმაციაში გადაყვანაზე უარი განაცხადა და არც კათეტერი ჩაიდგა, თუმცა მშობლები მის დაძინებას და რეანიმაციაში გადაყვანას ითხოვდნენ, რაზეც ექიმები უარი განაცხადეს, რადგან გინზე მყოფი პაციენტის ნების საწინააღმდეგოდ ვერ მოიქცეოდნენ.

30 ნოემბერს პაციენტის მდგომარეობა დამძიმდა, რამდენიმე საათში კი კომაში ჩავარდა. ოჯახის წევრების განცხადებით, მათ საკუთარი ძალებით რეანომობილი გამოიძახეს, თუმცა ახალგაზრდა გზაში, ქუთაისი მიმდებარე ტერიტორიაზე გარდაიცვალა.

ცირდაიას ოჯახი ექიმების პასუხისმგებლობის დაყენებას ითხოვს. ისინი მათ სამედიცინო ისტორიის შესაძლო გაყალბებაშიც ადანაშაულებენ და დასკვნის გასაჯაროებას ითხოვს. გარდაცვლილის დედა შიმშილობის დაწყებას გეგმავს.