11 თებერვალს ბორჯღალოსნები 2017 წლის “რაგბი ევროპის ჩემპიონატში” ჩაერთვებიან და პირველ მატჩს ბრიუსელში, ბელგიის ეროვნული ნაკრების წინააღმდეგ გამართავენ.

ბელგიისა და საქართველოს შეხვედრა ბრიუსელში საქართველოს დროით 18 საათზე დაიწყება.

“ბელგიის რაგბის ფედერაცია” 1931 წელს დაარსდა და 1934 წელს, “ფირას” (ახლანდელი “რაგბი ევროპა”), ხოლო 1988 წელს - “ირბ”-ის (მსოფლიო რაგბი) წევრი გახდა. მიუხედავად ამისა, ქვეყანაში ოვალურ ბურთს კარგა ხანს სათანადო ყურადღება არ ექცეოდა, თუმცა, ბოლო წლებში, მეზობელი საფრანგეთის წაბაძვითა და ხელშეწყობით, რაგბი სწრაფად განვითარებად სპორტად იქცა.