ხელვაჩაურის რაიონის გამგეობასთან აქცია მიმდინარეობს. ადგილობრივები ბათუმი-ახალციხის მიმართულებით მაღალი ძაბვის ელექტროგადამცემი სისტემის სამონტაჟო სამუშაოებს აპროტესტებენ.

აქციის მონაწილეები აცხადებენ, რომ მშენებლობისთვის საჭირო მიწებში სახელმწიფო ღირებულებაზე ბევრად ნაკლებ კომპენსაციას იხდის. ხიხანის ქუჩაზე მცხოვრებლები ზურაბ პატარაძესთან შეხვედრას ითხოვდნენ, თუმცა შეხვედრა ვერ შედგა.

გუშინდელ აქციაზე პოლიციასა და ადგილობრივებს შორის დაპირისპირებაც მოხდა, რასაც ერთი პირის დაკავებაც მოჰყვა. აქციაზე დაკავებული სასამართლომ უკვე გაათავისუფლა.