ჩაერთე ქველმოქმედებაში თიბისი სტატუსთან ერთად

საზოგადოება - 16:38, 08 Feb, 2017

1723

ვებგვერდზე www.statusdonates.ge უკვე შეგიძლიათ მონაწილეობა მიიღოთ ისეთი პროექტებისა თუ ადამიანების დაფინანსებაში, რომლებსაც მხარდაჭერა ესაჭიროებათ. თიბისი სტატუსის ახალი, საქველმოქმედო პლატფორმა ორ საინტერესო ისტორიას წარმოგიდგენთ.

10 წლის ვირტუოზი პიანისტი გოგონა ახალქალაქიდან, რომელსაც განსაკუთრებული საფორტეპიანო მონაცემები აქვს - ანაჰიტმა ნოტები კარგად არ იცის, მაგრამ მისთვის საყვარელ კლასიკას და ჯაზს სმენით უკრავს. ცნობილი პიანისტის ელისო ბოლქვაძის შეფასებით, გოგონას იშვიათი მუსიკალური ნიჭი აქვს და ხელშეწყობა ესაჭიროება. პატარა ვირტუოზი, 2017 წლის მარტის ბოლოს, ცნობილმა პედაგოგმა და მეთოდოლოგმა მიშელ სონიმ პარიზში მიიწვია. ამ მოგზაურობამ, შესაძლოა, სამუდამოდ შეცვალოს მისი ცხოვრება და მუსიკალური კარიერა. საფრანგეთში გასამგზავრებელი თანხის შეგროვებაში მას სტატუსის საქველმოქმედო პლატფორმა ეხმარება.

ვებგვერდზე ნახავთ მეორე ისტორიასაც - „თამაშობანამ“ უსინათლო ბავშვებისთვის ადაპტირებული, საინტერესო თამაში შექმნა. ეს არის „აფორიზმობანა“, რომელიც ლოტოს პრინციპზეა დაფუძნებული და მასში ქართული აფორიზმებია გამოყენებული. იმისთვის, რომ უსინათლო ბავშვებმა თავიანთ თანატოლებთან ერთად გართობა შეძლონ, საჭიროა ხის სათამაშო დაფებზე ბრაელის შრიფტით დაბეჭდვა. პროექტის განხორციელების შემთხვევაში, საქართველოში მცხოვრებ 300-მდე უსინათლო ბავშვს „აფორიზმობანა“ საჩუქრად გადაეცემა.

ორივე ისტორიის შესახებ მომზადებული ვიდეო და დეტალური ინფორმაცია განთავსებულია ვებგვერდზე www.statusdonates.ge , სადაც ასევე შეგიძლიათ მხარი დაუჭიროთ თქვენთვის საინტერესო ისტორიას.

თიბისი სტატუსმა ახალი, ინოვაციური პლატფორმის პრეზენტაცია 2016 წლის 28 დეკემბერს გამართა. პროექტის დაწყებისთანავე, პირველ ეტაპზე ფინანსური მხარდაჭერა მიიღეს სოფელ ძეგვში არსებულმა თავშესაფარმა და შემოქმედებითი განათლების სტუდია CES-მა; ხოლო მოსწავლე-გამომგონებელთა კონკურსის „ლეონარდო და ვინჩის“ გამარჯვებულ მოსწავლეებს თიბისი სტატუსის ერთწლიანი სტიპენდია დაენიშნათ.