ქუთაისში ახალი ნაგავსაყრელის მშენებლობის პროექტზე იმსჯელეს

ბიზნესი & ეკონომიკა - 18:08, 28 May, 2013

775

შეხვედრას, ასევე, ესწრებოდნენ იმერეთის მხარეში არსებული მუნიციპალიტეტებისა და სამხარეო ადმინისტრაციის წარმომადგენლები.
შეხვედრაზე მინისტრმა და მოწვეულმა სტუმრებმა მიიღეს სრული ინფორმაცია ქუთაისში დაგეგმილი ახალი ნაგავსაყრელის მშენებლობის შესახებ. მყარი ნარჩენების კომპანიამ და KFჭ-მ, ასევე, წარმოადგინეს საკუთარი გეგმა, თუ როგორ აპირებს ქუთაისში არსებული ნაგავსაყრელის პრობლემის მოგვარებას ახალი, თანამედროვე სტანდარტების ნაგავსაყრელის მშენებლობის დასრულებამდე.
ახალი ნაგავსაყრელის მშენებლობა 2014 წელს დაიწყება და ის იმერეთის რეგიონის გარდა, რაჭა-ლეჩხუმსაც მოემსახურება. პროექტით, ასევე, დაგეგმილია ოთხი გადამტვირთი სადგურის მშენებლობა, საიდანაც მყარი ნარჩენები ცენტრალურ ნაგავსაყრელზე გადაიტვირთება.
ნაგავსაყრელის მშენებლობისას სრულად იქნება გათვალისწინებული ადგილობრივი მოსახლეობის ინტერესები. პროექტის მიხედვით, ნაგავსაყრელი მოსახლეობისგან 1,5 კილომეტრით იქნება დაშორებული, რაც საერთაშორისო სტანდარტებს სრულად აკმაყოფილებს. გარდა ამისა, დაგეგმილია მწვანე საფარის მოწყობაც, რაც დამატებით უსაფრთხო გარემოს შეუქმნის ადგილობრივებს.
პროექტის ფარგლებში 2015 წლისთვის დაგეგმილია ძველი - ე.წ. ნიკეას ნაგავსაყრელის კონსერვაცია და მის ადგილას რეკრეაციული ზონის მოწყობა. თუმცა, მანამდე მყარი ნარჩენების მართვის კომპანია, KFჭ-სთან ერთად, არსებულ ნაგავსაყრელსაც მოაწესრიგებს.
ახალი ნაგავსაყრელის მშენებლობა 2014 წელს დაიწყება და 2015 წლის ბოლოსთვის დასრულდება. აღნიშნული პროექტის განხორციელება საბოლოოდ გადაჭრის ქუთაისის ნაგავსაყრელის მრავალწლიან პრობლემას.