„საზოგადოებრივ მაუწყებელში“ მოსალოდნელ ტესტირებასთან დაკავშირებით კომენტარს აკეთებს საზ.მაუს გენერალური დირექტორის მოადგილე ია ანთაძე. მისი თქმით, ტესტირებასთან დაკავშირებით არხის თანამშრომლები ინფორმირებულნი იყვნენ.

ანთაძე აცხადებს, რომ არხის ხელმძღვანელობასთან შეხვედრის ფარგლებში, საინფორმაციო სამსახურის პროდუსერებმა მთავარ პრობლემად თანამშრომლების კვალიფიკაცია დაასახელეს:

„გასული წლის სექტემბერში იყო საუბარი იმასთან დაკავშირებით, რომ უნდა მომხდარიყო თანამშრომლების ტესტირება და რანგირება, რაც იყო აუცილებელი იმისთვის, რომ გარკვეულიყო რა ანაზღაურება უნდა ჰქონოდათ საზოგადოებრივი მაუწყებლის თანამშრომლებს განსაკუთრებით მათ, ვისაც აქვს ძალიან დაბალი ხელფასი. აქ საინფორმაციო სამსახურში მუშაობენ ადამიანები, რომლებიც აბსოლუტურად არაკონკურენტუნარიანები არიან სხვა ტელევიზიის კოლეგებთან შედარებით.

როდესაც ჩვენთან იყვნენ პროდუსერები საინფორმაციო სამსახურის, ჩვენ მათ ვკითხეთ რა არის პირველი პრობლემა თქვენთვის, მათ თქვეს პირველი პრობლემა არის კვალიფიკაცია თანამშრომლების...მასობრივი გათავისუფლება ნიშნავს 100 ადამიანზე მეტის გათავისუფლებას ერთდროულად და საინფორმაციო სამსახურში თუ ჩვენ ესე გვაქვს საქმე, რომ იქიდან ტესტირების შემდეგ 100 ადამიანი უნდა გათავისუფლდეს, მაშინ ბევრად უარესად ყოფილა აქ საქმე ვიდრე მე წარმომიდგენია“, - განაცხადა ანთაძემ.