ზუგდიდში მოშიმშილე დევნილი სუბარის უწყების წინ თავის დაწვით იმუქრება

საზოგადოება - 11:57, 07 Feb, 2017

2105

ზუგდიდში, რაიონული საავადმყოფოს ყოფილი შენობის წინ მოშიმშილე დევნილების პროტესტი გრძელდბა.

როგორც ერთ-ერთი დევნილი ტარიელ ქობალია აცხადებს, რომ თუკი დევნილთა სამინისტროს წარმომადგენლები მათი მოთხოვნებით არ დაინტერესდებიან, 2 დღეში თბილისში, უწყების შენობის წინ თავს დაიწვავს.

ამ დროისათვის, ზუგდიდის საავადმყოფოს ეზოში პირამოკერილი 3 დევნილი შიმშილობს, 2-მა კი, ჯანმრთელობის გაუარესების გამო, პროტესტი შეწყვიტა.

დევნილები აცხადებენ, რომ ზუგდიდში, დევნილთა ბინები კორუფციული გზით იყიდება. ისინი პარლამენტში სპეციალური საგამოძიებო ჯგუფის შექმნას მოითხოვენ.

უცვლელია დევნილების პოზიცია: მათი მოთხოვნაა მინისტრი სუბარი დაკავებული თანამდებობიდან გადადგეს და ხელახალმა კომისიამ გაანაწილოს ქულები.

როგორც "ნიუპოსტის" კორესპონდენტი ადგილიდან იტყობინება, დევნილები ბარამიას ქუჩაზე ახლად აშენებულ კორპუსებში ბინების მიღებას ითხოვენ.

მათი თქმით, ყოფილი საავადმყოფოს შენობაში განთავსებული პირობებია. ისინი აცხადებენ, რომ კვირაზე მეტია მათ სასმელი წყალი არ მიეწოდებათ, შენობაში ჩამსხვრეულია ფანჯრები, ჩანგრეულია იატაკი და ბზარები აქვს გაჩენილი კედლებს.

ამასთან დევნილები დახმარების შესაძლო მოხსნასაც აპროტესტებენ.