სრულად ადაპტირებული გარემო მალე სსიპ პროფესიულ კოლეჯ „სპექტრი“ -ში

განათლება - 16:54, 06 Feb, 2017

3143

სსიპ საგანმანათლებლო და სამეცნიერო ინფრასტრუქტურის განვითარების სააგენტო აქტიურად აგრძელებს სარემონტო-სარეაბილიტაციო სამუშაოებს სსიპ პროფესიულ კოლეჯ „სპექტრი“ -ში. სააგენტოს დირექტორის მოადგილემ, თეიმურაზ მაჩაიძემ და სამშენებლო-საპროექტო სამსახურის უფროსის მოადგილემ, დადუნა გიგაურმა, მოინახულეს მიმდინარე სარეაბილიტაციო სამუშაოები.

ამ ეტაპზე მიმდინარეობს პირველი და მეორე სართულის რეაბილიტაცია-ადაპტაცია. დასრულებულია ძირითადი სასწავლო კორპუსის მესამე და მეოთხე სართულის სრული რეაბილიტაცია.
უნივერსალური დიზაინის მოთხოვნების საფუძვლიდან გამომდინარე, არსებული შენობის დაგეგმარებაში განხორციელდა ცვლილები, რომელიც შესაბამისობაშია მოყვანილი საქართველოს მთავრობის #41 დადგენილებასთან და ასევე, ნორვეგიულ სტანდარტთან (NS 11001-1) უნივერსალური დიზაინის შესახებ, რაც ითვალისწინებს სასწავლო გარემოს სრულ ადაპტაციას შშმ და სსმ პირთათვის.

განხორციელებული სამუშაოები ითვალისწინებს ძირითადი სასწავლო შენობის და სახელოსნოების სრულ ადაპტაციას:

ადაპტირდა შენობებთან მისასვლელი გზა
მოეწყო კიბის საფეხურები გამაფრთხილებელი ნიშნებით (საფეხურის დასაწყისში ტაქტილური ნიშნები, ორდონიანი მოაჯირით)
კორიდორებში გაკეთდა ორდონიანი მოაჯირები
მოეწყო პანდუსები ტაქტიკური ნიშნებით
დერეფანში მოეწყო მიმართულების და მიმართულების ცვლილების ტაქტილური ნიშნები
ყველა კარის ღიობი მოვიდა სტანდარტთან შესაბამისობაში
ადაპტირდა სველი წერტილები
გაუმჯობესდა შენობის აკუსტიკური მდგომარეობა

სასწავლო პროცესი მიმდინარეობს სარემონტო სამუშაოების პარალელურად უკვე დასრულებულ ნაწილში. შენობის სრული რეაბილიტაციის დასრულება გაზაფხულზე იგეგმება.

www.facebook.com/ESIDA.info/