დიდთოვლობამ პრობლემები შექმნა გურჯაანის რაიონის მაღალმთიან სოფლებში - ზიარში, ფხოველსა და ჭერემში. ორი დღის განმავლობაში ამ სოფლებთან სატრანსპორტო მიმოსვლა შეფერხებულია. ცენტრალურ გზებზე გადაადგილება მხოლოდ მაღალი გამავლობის ტრანსპორტითა არის შესაძლებელი.

მოსახლეობა უგზოობის გამო, რაიონულ ცენტრს ვერ უკავშირდება, რაც საყოფაცხოვრებო პრობლემებს ქმნის.

გურჯაანის მნუნიციპალიტეტის გამგეობაში აცხადებენ, რომ სპეციალური დანიშნულების ტექნიკის შეყვანას სოფლებში მაღალი თოვლის საფარი ართულებს, შესაბამისად, ტექნიკური მარილის დაყრა ხვალიდან დაიწყება.