თოვლი, ყინვა და ქარბუქი - როგორი ამინდია მოსალოდნელი 28-31 იანვარს

საზოგადოება - 10:55, 28 Jan, 2017

31962

გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსის სვეტლანა ნიორაძის ინფორმაციით ხვალ, 29 იანვარს მთელი ქვეყნის მასშტაბით თოვლია მოსალოდნელი.
მისი თქმით, ხვალ შავი ზღვის ჩრდილო-დასავლეთიდან სინოპტიკოსები საქართველოს მთელს ტერიტორიაზე ცივი ჰაერის მასები გავრცელდება.
სინოპტიკოსები დასავლეთ საქართველოს უმეტეს რაიონში ძლიერი თოვას პროგნოზირებენ. აღმოსავლეთ საქართველოს ზოგიერთ რაიონში კი თოვა შეწყდება, თუმცა თოვლის ნალექი მაღალმთაში შენარჩუნდება. მაღალმთებში ქარბუქია ნავარაუდები.
აღმოსავლეთ საქართველოში, იქროლებს დასავლეთის ქარი 10-15 მეტრი წამში, ზოგან 17-22 მეტრი წამში.
29 იანვარს დასავლეთ საქართველოს დაბლობში დღისით -1;+4 და აღმოსავლეთ საქართველოს ბარში - -3;+2 გრადუსი იქნება.

31 იანვარს ღამით კი ქვეყნის უმეტეს რაიონებში ღამით ყინვა გაძლიერდება.

რაც შეეხება დღევანდელი ამინდის პროგნოზს დღეს, დასავლეთ საქართველოს ზოგიერთ და აღმოსავლეთ საქართველოს უმეტეს რაიონებში თოვს. ჰაერის მაქსიმალური ტემპერატურა თბილისში დღისით 0 გრადუსია.
მოსალოდნელი ამინდის პროგნოზს აქვყნებს გარემოს ეროვნული სააგენტოც

სააგენტოს ინფორმაციით, 28 იანვარს ცივი და თოვლიანი ამინდი ნარჩუნდება დასავლეთ საქართველოს ცალკეულ და აღმოსავლეთ საქართველოს უმეტეს რაიონში, დედაქალაქშიც ითოვებს.

29 იანვრიდან 30 იანვრის დილამდე შავი ზღვის ჩრდილო - დასავლეთიდან ცივი და ნოტიო ჰაერის მასების ახალი ნაკადის გავრცელების გამო საქართველოში მოსალოდნელია დროგამოშვებით თოვლი, ზოგან ძლიერი, მაღალმთიან რაიონებში ქარბუქი, იქროლებს დასავლეთის მიმართულების ძლიერი ქარი, გზებზე ლიპყინული. ჰაერის ტემპერატურა -3, +2 გრადუსი იქნება.

ქ. თბილისში მცირე თოვლი მოსალოდნელია 29 იანვარს ღამისა და დილის საათებში. 31 იანვარს ღამის საათებში ქვეყნის მასშტაბით გაძლიერდება ყინვა.