სალომე კორკოტაშვილის დასახმარებლად მიმართვა ვრცელდება

საზოგადოება - 00:37, 27 Jan, 2017

102590

„სალომემ ამერიკაში უნდა იმღეროს საქართველოს სახელით, მესმის იმ ყველა ადამიანის, რომელიც უმძიმეს დღეშია და დახმარება სჭირდება, თუმცა არანაკლებ მნიშვნელოვანია იმ ნიჭიერი ქართველების დახმარება, რომელთა ნიჭიც უსახსრობის გამო იკარგება და ამ დროს შეიძლება ვოკალური მონაცემებით თამამად დადგნენ მსოფლიო დონის ვარსკვლავების გვერდით, თუ მათზე მეტი ნაკლებები არაფრით არიან“... - ვკითხულობთ სოციალურ ქსელში.
ამ კომენტარის ავტორი სალომე კორკოტაშვილზე საუბრობს. როგორც ცნობილი ხდება ქართველმა მომღერალმა გამარჯვება 15 000 მუსიკოსს შორის მოიპოვა და ამერიკული ხმის ჩამწერი სტუდიის „SongBuilder Studio“-ს საერთაშორისო კონკურსის გამარჯვებული გახდა.
რის შედეგადაც სალომე კორკოტაშვილს სიმღერას პროფესიონალურ სტუდიაში ჩაუწერენ, არანჟირებაზე „გრემის“ მფლობელი მუსიკოსი – როს პეტერსონი იმუშავებს. შემდეგ კი კომპოზიციას ამერიკის მასშტაბით 100-მდე რადიო დაატრიალებს.
თუმცა უსახსრობის გამო შეიძლება სალომე კორკოტაშვილი აშშ-ში ვერ გაემგზავროს. როგორც ირკვევა მას მგზავრობისა და ამერიკაში სამი კვირით დარჩენის თანხა არ გააჩნია.
პრიზის მისაღებად კონტრაქტის თანახმად 2017 წლის თებერვლის თვეში სალომეს ამერიკაში, კონკრეტულად მერილენდის შტატში გამგზავრება და სამი კვირის განმავლობაში ამერიკაში ცხოვრების ხარჯების დაფარვა ესაჭიროება.
ამასთან დაკავშირებით სოციალურ ქსელში ვრცელდება მიმართვა. სადაც ყველას მოუწოდებენ, რომ ქართველ მომღერალს დაეხმარონ ფინანსურად.