ახალგაზრდა თაობის 75% მშობლებთან ერთად ცხოვრობს- FES-ის კვლევა

საზოგადოება - 20:43, 24 Jan, 2017

1593

ფრიდრიხ ებერტის ფონდის მიერ ჩატარებული კვლევის მიხედვით ქართველი ახალგაზრდები ოჯახების მიმართ დიდ ნდობას გამოხატავენ . ახალგაზრდა თაობის 75% ცხოვრობს მშობლებთან ერთად, ხოლო გამოკითხულთა 62% ფინანსურ მხარდაჭერას იღებს მშობლებისაგან. ახალგაზრდების 55% კარგად ეწყობა მშობლებს, გამოკითხულთა იგივე რაოდენობა აცხადებს, რომ მისი პოლიტიკური შეხედულებები დაკავშირებულია მისი მშობლების შეხედულებებთან. გამოკითხულთა თითქმის ნახევარი (48%) გადაწყვეტილებას იღებს მშობლებთან ერთად, თუმცა მათი მნიშვნელოვანი ნაწილი აცხადებს, რომ ისინი თავისუფალი და დამოუკიდებლები არიან გადაწყვეტილების მიღების პროცესში (44%). გამოკითხულთა თითქმის 1/3 აცხადებს რომ დედის აზრი გავლენას ახდენს მათ მნიშვნელოვან გადაწყვეტილებებზე (34%).

ქვეყნის მასშტაბით ჩატარებული კვლევა მოიცავდა 14-29 წლის ახალგაზრდებს. კვლევა ჩატარდა 2016 წლის მაისი-ივნისის პერიოდში. კვლევის მეთოდოლოგია შეიქმნა ანალიზისა და კონსულტაციის ჯგუფის (ACT)- ის მიერ, ფრიდრიხ ებერტის ფონდის სამხრეთ კავკასიის რეგიონალური ოფი- სის მოთხოვნების გათვალისწინებით. კვლევის მეთოდოლოგია მოიცავს, რო- გორც რაოდენობრივ, ისე, თვისებრივ მეთოდებს, კონკრეტულად პირისპირ ინტერვიუებს და ფოკუს ჯგუფის დისკუსიებს. რაოდენობრივი კვლევა ჩატარდა 2016 წლის მაისი-ივნისის პერიოდში, ხოლო თვისებრივი კვლევა ჩატარდა რაოდენობრივი კვლევის შედეგების პირველადი ანალიზის შემდეგ, კერძოდ 2016 წლის ივლისში. ჯამში, მთელი ქვეყნის მასშტაბით ჩატარდა 1200 პი- რისპირ ინტერვიუ და 24 ფოკუს ჯგუფის დისკუსია. კვლევის ფოკუსს წარმოადგენდა ახალგაზრდა თაობის სოციალურ-ეკონომი- კურ თემებთან არსებული გამოცდილებისა და დამოკიდებულებების შესწავ- ლა. კვლევამ მოიცვა ისეთი საკითხები, როგორიცაა: დასაქმება, განათლება, დემოკრატია, საგარეო პოლიტიკა, ოჯახთან და მეგობრებთან ურთიერთობა, იდენტობა, რელიგია, ცხოვრების სტილი და სხვა მომიჯნავე საკითხები.