ისრაელის აეროპორტში ქართველები დააკავეს - მოქალაქეები დახმარებას ითხოვენ

საზოგადოება - 16:01, 24 Jan, 2017

23110

ისრაელის აეროპორტში საქართველოს მოქალაქეები დააკავეს. არსებული ინფორმაციით მათი რიცხვი 30-მდეა. მათი დაკავების მოტივი ჯერ-ეროობით უცნობია.
როგორც ერთ-ერთი დაკავებული, საქართველოს მოქალაქე ჯიმშერ გუნთაიშვილი იტყობინება, ის ისრაელში ტურისტით სტატუსით 23 იანვარს, თბილისიდან გაფრინდა და ჩასვლისთანავე, აეროპორტში დააკავეს. გუნთიაშვილი უკვე ორი დღეა რაც ისრაელის საპატიმროში დაუდგენელი მიზეზით არის მოთავსებული.

როგორც დაკავებულის ახლობლები ამბობებ, ჯიმშერ გუნთაიშვილი ოჯახს ბოლოს, გუშინ დაუკავშირდა და აცნობა, რომ მასთან ერთად ისრაელის საპატიმროში კიდევ, საქართველოს 22 მოქალაქეა დაკავებული.

„საქართველოს 30 მოქალაქე გადაიყვანეს საპატიმროში გაურკვეველი მიზეზების გამო, არანიაირი კრიმინალი არ ყოფილა და არაფერი არ დაუშავებიათ. მათი მდომარეობა გაუსაძლისია, საკვები არ აქვთ, არც საწოლები, წყალს არ აწვდიან, 30 კაცი ფეხზე იდგნენ და ისე ეძინათ“- აცხადებს ერთ-ერთი დაკავებულის ახლობელი ჟურნალისტებთან საუბრისას.

როგორც საგარეო საქმეთა სამინისტროში განმარტავენ, საქართველოს მოქალაქეებს 26 იანვარს დააბრუნებენ, მანამდე კი სადეპორტო განყოფილებაში დარჩებიან.