“ბოლო წლების განმავლობაში iPhone+_ზე მიმდინარეობდა ძლიერი ზეწოლა სხვადასხვა სახელმწიფო უწყებების მხრიდან, რაც ხელს უშლიდა ჩვენს კომპანიას განვითარებაში. ზეწოლა გამოიხატებოდა, როგორც კომპანიაზე დაკისრებული ჯარიმებში, ასევე ჩვენი ხელმძღვანელების დაკავებებში. დაკავებების შემდეგ მტკიცებულებების არ არსებობის გამო საქმე წყდებოდა, თუმცა კომპანიისთვის მიყენებული ზარალი არ უქმდებოდა”, - ნათქვამია iPhone+_ის მიერ პრემიერ-მინისტრ გიორგი კვირკაშვილსითვის გაგზავნილ მიმართვაში.

როგორც პრემიერისთვის გაგზავნილ წერილშია აღნიშნული, 9 თვის განმავლობაში საქართველოს ფინანსთა სამინისტროს საგამოძიებო სამსახურის მიერ iPhone+_დან ამოღებულ 222 მობილურ ტელეფონს ექსპერტიზა არ ჩატარებია. iPhone+_ში განმარტავენ, რომ ფინანსთა სამინისტროს საგამოძიებო სამსახურის მიერ გავრცელებულმა ინფორმაციამ, თითქოს iPhone+_დან ამოღებული ტელეფონები შესაძლოა ახალი არ ყოფილიყო iPhone+_ის იმიჯი შელახა.

“ფინანსთა სამინისტროს საგამოძიებო სამსახურის მიერ ცრუ ინფორმაციის გავრცელებამ ზიანი მიაყენა ჩვენი კომპანიის იმიჯს, რაც გვაფიქრებინებს, რომ ეს ყველაფერი მიზანმიმართულად მოხდა ჩვენს გასაკოტრებლად და ვალერიან ცერცვაძის ინტერესების გასატარებლად.

ბატონო პრემიერო, მას შემდეგ რაც წერილობით მოგმართეთ, საქართველოს მთავარ პროკურატურაში დაიკითხა შპს “აიპლუსის” დირექტორი რამაზ შეყილაძე. პროკურატურას წარვუდგინეთ ყველა ფაქტი და უტყუარი მტკიცებულება ვალერიან ცერცვაძის მხრიდან თანამდებობის ბოროტად გამოყენების შესახებ, მიუხედავად ამისა, ვალერიან ცერცვაძე კვლავ რჩება თანამდებობაზე”, - აღნიშნულია პრემიერისთვის გაგზავნილ მიმართვაში.

iPhone+_ის ინფორმაციით, ვალერიან ცერცვაძის მთელი ქონება, 2016 წლის მაისამდე იპოთეკით იყო დატვირთული “აიტექნიკის” სასარგებლოდ, გარდა ამისა, ვალერიან ცერცვაძის სახელმწიფო ავტომანქანა PRADO, გადაღებულია შპს “აიტექნიკის” სარეკლამო კლიპში. ასევე, ვალერიან ცერცვაძის პირადი მძღოლიც ამ კლიპშია გადაღებული.