იაშვილის საავადმყოფოში მოლეკულური გენეტიკის ლაბორატორია გაიხსნა

საზოგადოება - 14:30, 19 Jan, 2017

5338

პირველად საქართველოში, მ.იაშვილის სახელობის ბავშვთა ცენტრალურ საავადმოფოში მოლეკულური გენეტიკის ლაბორატორია დაარსდა. ლაბორატორია გახსნა ჩეხეთის ელჩმა ტომაშ პერნიცკიმ და იაშვილის საავადმყოფოს სამედიცინო დირექტორმა ივანე ჩხაიძემ.

მოლეკულურ-გენეტიკური ლაბორატორია ჩეხეთის განვითარების ფონდის დონაციით, საქველმოქმედო ორგანიზაცია-“საქართველოს ამერიკელი მეგობრები” და ს/ს თელასის მხარდაჭერით შეიქმნა,.

ლაბორატორიაში შესაძლებელი იქნება ლეიკემიითა და ლიმფომით დაავადებული ბავშვებისათვის მოლეკულურ-გენეტიკური დიაგნოსტიკურ კვლვების ჩატარება, რაც მნიშვნელოვნად გააუმჯობესებს მკურნალობის სტანდარტებს, შესაძლებელს გახდის სამკურნალო პროტოკოლების განახლებას და პაციენტებზე ზუსტად მორგებული ქიმიოთერაპიის შერჩევას.

ლაბორატორიის იფუნქციონირებს ლეიკემიით დაავადებულ ბავშვთა დახმარების საერთაშორისო ასოციაციასა და მ. იაშვილის სახ. ბავშვთა ცენტრალურ საავადმყოფოს შორის არსებული თანამშრომლობის ფარგლებში.

სამუშაო პროცესი წარიმართება მოტოლის საუნივერსიტეტო ჰოსპიტალის (პრაღა, ჩეხეთი) ზედამხედველობით.

2017 წელს დაგეგმილია უცხოელი სპეციალისტების ვიზიტი და ლაბორატორიის პერსონალის ტრეინინგი მოტოლის საუნივერსიტეტო ჰოსპიტალში.

პროექტის-“ახალი გამოწვევები პედიატრიული ონკო/ჰემატოლოგიუტი დაავადებების დიაგნოსტიკაში საქართველოში’’ - ფარგლებში განხორციელდა „ლეიკემიით დაავადებულ ბავშვთა დახმარების საერთაშორისო ასოციაციაციის“ მიერ.