საქართველოში უნალექო ამინდი 19 იანვრამდე შენარჩუნდება

საზოგადოება - 17:12, 14 Jan, 2017

7536

გარემოს ეროვნული სააგენტოს ჰიდრომეტეოროლოგიური პროგნოზების სამსახურის ინფორმაციით, 19 იანვრამდე საქართველოში უნალექო ამინდი შენარჩუნდება. სპეციალისტების პროგმოზით, 14-15 იანვარს, დასავლეთ საქართველოს შავი ზღვის სანაპიროზე და კოლხეთის დაბლობზე მოსალოდნელია ქარის გაძლიერება, რომლის სიჩქარე წამში 20-25 მეტრი იქნება.

დასავლეთ საქართველოს დაბლობში დღეს ღამით, ჰაერის მაქსიმალური ტემპერატურა 0;5 გრადუსი იქნება; დღისით - +9;+14 გრადუსი;
აღმოსავლეთ საქართველოს ბარში დღეს ღამით, ჰაერის მაქსიმალური ტემპერატურა -5;0 გრადუსია მოსალოდნელი, შიდა ქართლში კი -8; დღისით - +1;+6 გრადუსი;

თბილისში დღეს ღამით -1 გრადუსია ნავარაუდები; ხვალ დღისით ჰაერი +5 გრადუსამდე გათბება.

16 იანვარს, დასავლეთ საქართველოს მთაში - თოვლია მოსალოდნელი. დასავლეთ საქართველოს დაბლობში კი ღამით, ჰაერის მაქსიმალური ტემპერატურა -1;+4 გრადუსი იქნება; დღისით კი +9;+14 გრადუსი;

აღმოსავლეთ საქართველოს ბარში ღამით, ჰაერის მაქსიმალური ტემპერატურა -6;-1 გრადუსი იქნება, დღისით - +5;+10 გრადუსი;
თბილისში ღამით მოსალოდნელია -1 გრადუსი; დღისით ჰაერი 9 გრადუსამდე გათბება.

17 იანვარს, დასავლეთ საქართველოს დაბლობში დათბება და დღისით ტემპერატურა მოიმატებს. დაბლობში ღამით - +2;+7; დღისით +11; +16 დაფიქსირდება.

აღმოსავლეთ საქართველოს ბარში ღამით, ჰაერის მაქსიმალური ტემპერატურა -5;0 გრადუსი იქნება, დღისით - +4;+9 გრადუსი;
თბილისში ღამით 0; ხოლო დღისით +8 გრადუსია მოსალოდნელი.

საქართველოში შესაძლოა ამინდის გაუარესებას 19 იანვრიდან ელოდებიან.