ავარია ხაშურთან - ვინ იყო სასულიერო პირი, რომელიც საზარელ ავარიას ემსხვერპლა

საზოგადოება - 12:03, 14 Jan, 2017

43217

ხაშურში, სოფელ ალთან მომხდარი ავარიის შედეგად დაშავებულთა მდგომარეობა კვლავ მძიმეა. 4 დაშავებულიდან ორს ხაშურშის საავადმოყოფოში უტარდება მკურნალობა, ორი კი მდგომარეობის კიდევ უფრო გაუარესების გამო თბილისში გადმოიყვანეს, მათ შორის ერთი მცირეწლოვანი ბავშია.

მიმდინარე წლის 12 იანვარს ხაშურის სოფელ ალთან ავტოსაგზაო შემთხვევას სამი ადამიანი ემსხვერპლა და ორი დაშავდა. როგორც ცნობილი გახდა, გარდაცვლილთა შორის ერთ-ერთი სასულიერო პირია.

დაღუპულები არიან მამა ვახტანგი (აბდუშელიშვილი), ირმა აბრამიშვილი და ანი აბრამიშვილი. თვითმხილველთა განცხადებით, სოფელ ალთან ერთმანეთს "მერსედესის" მარკის ავტომობილი და "ნივა" შეეჯახნენ.

"ღრმა მწუხარებით მინდა გაცნობოთ ავტოავარიის შედეგად მომხდარი ფაქტი .... დაღუპულები არიან, ჭიათურის მკვიდრნი მამა ვახტანგი აბდუშელიშვილი ჭიათუსა და საჩხერის ეპარქიის მღვდელმსახური. ნაზი და პატარა ანი აბრამიშვილი.ღმერთმა სამუდამო სასუფეველი დაუმკვიდროთ მათ.
დაღუპულის ნათესავები, დედაშვილი სოფო და მარიამი მძიმედ არიან სავაადმყოფოში...ვილოცოთ მათი კარგად ყოფნისთვის....
დიდი გულის ტკივილი და სამწუხარო ფაქტია....მინდა ყველას კარგად ყოფნა გისურვოთ და მსგავსი შემთხვრვეჩები აღარასდროს განმეორებულიყოს....
გაუფრთხილდით თქვენს და ერთმანეთის სიცოცხლეს....უფალმა დაგვლოცოს და გაგვაძლიეროს..."- წერენ სოციალურ ქსელში.

როგორც „ნიუპოსტს“ შსს-ში განუცხადეს მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია. ისჯება თავისუფლების აღკვეთით ვადით 4-7 წლამდე, თანამდებობის დაკავების ან საქმიანობის უფლების ჩამორთმევით ვადით 3 წლამდე.