სამაუწყებლო კომპანია "რუსთავი 2"-ის გენერალურ დირექტორ ნიკა გვარამიაზე მომხდარი თავდასხმის დეტალებზე ისაუბრა დავით დოიაშვილის დამ, მანანა დოიაშვილმა. დოიაშვილის განცხადებით, გვარამიას 2 პირი ჩუმად დაესხა თავს.

„როცა შემოვედით აქეთ ბიჭები ისხდნენ, სვამდნენ და ცოტა არ მესიამოვნა ისეთი სიტუაცია იყო. ორი ბიჭი უკნიდან მოიპარა, გვეგონა ნიკა გვარამიას მისასამძიმრებლად ვიღაც ნაცნობი 2 ბიჭი მიუახლოვდა. არაფრით არ ველოდით, რომ ეს მოხდებოდა. ერთ-ერთმა გამეტებით დაუწყო ნიკას თავში რტყმა, ამ დროს დათო წამოდგა და მეორე ბიჭი დათოს გაუსწორდა დოიაშვილს,“-აცხადებს დოიაშვილი.

ანალოგიურ განცხადებას აკეთებს გვარამიას სუფრაზე მყოფი ნიკოლოზ რაჭველიც, რომელიც აბსურდულს უწოდებს ადვიკატის განცხადებას იმის თაობაზე, რომ რატი გაჩეჩილაძის ქმედება ნიკა გვარამიას საქციელმა გამოიწვია. მისი განცხადებით, სუფრა, რომელზეც რატი გაჩეჩილაძე იმყოფებოდა, მათი მაგიდიდან მოშორებით იყო და რატი გაჩეჩილაძე ვერაფრით გაიგონებდა, თუ რაზე საუბრობდნენ გვარამიას მაგიდასთან.