ტელეკომპანია რუსთავი 2-ის გენერალური დირექტორი ნიკა გვარამია ქალაქის სამმართველოში დაკითხვაზე იმყოფება. შენობაში შესვლამდე ნიკა გრავამიამ მის წინააღმდეგ განხორციელებული თავდასხმის თაობაზე კომენტარი გააკეთა.

„შუქი არ იყო, სიბნელეში ვერ შევამჩნიე, ადამიანმა უკნიდან თავში ჩამარტყა რაღაც, გამოვფხიზლდი იატაკზე, პირობას ვდებ, რომ ყველაფერს გავაკეთებ იმისათვის, რომ ეს ადამიანები დაისაჯონ. არავითარ ბოდიშს არ მივიღებ, კანონის ფარგლებში დავასჯევინებ ამ ადამიანებს. ჩავყვები ბოლომდე. სირცხვილი იმ ხელისუფლებას, რომელმაც ვაკე აქცია ბრონქსად“, - განაცხადა ნიკა გვარამიამ.

რუსთავი 2-ის გენერალური დირექტორთან ერთად ქალაქის სამმართველოში მისი მეგობარი დათო დოიაშვილიც შევიდა, რომელიც თავდასხმის დროს მასთან ერთად იმყოფებოდა.

რუსთავი 2-ის გენერალურ დირექტორზე თავდასხმა მოხდა. ნიკა გვარამიამ მომხდარის შესახებ სოციალურ ქსელში დაწერა. მისი თქმით, თავს მაშინ დაესხნენ, როდესაც რესტორანში მეგობრებთან ერთად იმყოფებოდა.