ახალი წლის ღამეს ბათუმში სანტა კლაუსის ფორმაში გამოწყობილმა მამაკაცმა მაღაზია დააყაჩაღა. დამნაშავემ ფიროსმანის ქუჩაზე მდებარე თურქული სუპერმარკეტის „იალჩინის“ კარზე ზუსტად 00:00 საათზე დააკაკუნა, ამ დროს ახალი წლის დადგომას ფოიერვერკებით აღნიშნავდნენ. "სანტამ" მაღაზიის სალაროდან 40 ათასამდე თანხა წაიღო.

მომხდართან დაკავშრებით გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს. შსს-ს ცნობით დანაშაულში ეჭვმიტანილი პირო ამ დროისათვის დაკავებული არ არის.