iPlus-ის (iPhone+) ადმინისტრაცია მომხმარებლებს და თანამშრომლებს დამდეგ შობა-ახალ წელს ულოცავს და განვლილ წელს აჯამებს.

“iPlus გილოცავთ შობა-ახალ წელს. მადლობას გიხდით ყველა მომხმარებელს ნდობისთვის. 2016 წელს ჩვენი მომსახურებით მილიონამდე ადამიანმა ისარგებლა. მიუხედავად ბრძოლისა, რომელიც 2016 წელს “აიპლიუსს’ ბიზნესის თავისუფლებისთვის მოუწია, პოზიტიურად ვაფასებთ განვლილს და გვჯერა მომავლის.

მადლობას ვუხდით ყველა თანამშრომელს, რომელიც მუხლჩაუხრელად მუშაობდა და ვითარდებოდა. ვამაყობთ, რომ გვყავს გუნდი, რომელიც მუდმივად ახალს ქმნის და გთავაზობთ საუკეთესო მომსახურებას საქართველოში.

2016 წლის განმავლობაში iPlus-ის რეალიზაცია განვლილ წლებთან შედარებით მნიშვნელოვნად გაიზარდა, რაც საბოლოო ჯამში სახელმწიფო ბიუჯეტში გადასახადების კუთხითაც აისახება.

იყო სამწუხარო და უამრავი საამაყო მოვლენებიც. ვამაყობთ, რომ გვაქვს საუკეთესო ურთიერთობა მედიასთან, ჟურნალისტებთან, რომლებიც 2016 წელს ჩვენთვის მძიმე წუთებში გვერდში გვედგნენ.

შობა-ახალ წელს ვულოცავთ ჩვენს ქართველ და უცხოელ მომხმარებლებს.

2017 წლიდან ვგეგმავთ სიახლეებს, ეტაპობივრად დავნერგავთ ახალ სერვისებს, რაც კიდევ უფრო დახვეწავს ჩვენს მომსახურებას. დაგეგმილი გვაქვს თანამშრომლების ტრენინგები, რაც კიდევ უფრო კომფორტულს გახდის მომხმარებელისთვის ჩვენთან ურთიერთობას.

ჩვენ ვფიქრობთ ყველა იმ მომხმარებელზე, რომლებმაც ჩვენ აგვირჩიეს და იმათზეც, ვინც აგვირჩევენ. კვლავ პოზიტივს და სიყვარულს გაჩუქებთ 2017 წლიდან.

მანამდე კი შეგახსენებთ, რომ ჩვენს ფილიალებში წლის ბოლო დღეს ყველაზე გრანდიოზული აქციით შეგიძლიათ ისარგებლოთ.

სიყვარულს და წინსვლას გისურვებთ!

დავბრუნდებით 3 იანვარს”, - ნათქვამია “აიპლიუსის” მიერ გავრცელებულ განცხადებაში.