საახალწლო სუფრასთან დაკავშირებით მამლის წელმა ბევრი საგონებელოში ჩააგდო, განსაკუთრებით საცივის მოყვარულნი, იქედან გამომდინარე, რომ წლის სიმბოლო ამ ეტაპზე მამალი გახლავთ, საახალწლო სუფრაზე ქათმისა და ზოგადად ფრინველის ხორცი სასურველია არ იყოს.

თუმცა, საკითხს თუ პროფესიული ასტროლოგიის კუთხით განვიხილავთ, პირველ რიგში ის უნდა გავითვალისწინოთ, რომ მამლის წელი როგორც ასეთი, 2017 წლის 28 იანვრიდან შედის ძალაში. აქედან გამომდინარე, გამოდის, რომ 31 დეკემბრის სუფრაზე ჯერ კიდევ მაიმუნის გავლენა ვრცელდება.

ასე რომ სამზადისს შეგიძლიათ ნერვიულობის გარეშე შეუდგეთ და საახალწლო სუფრა საცივითა და ფრინველის ხორცით დაამშვენოთ.

როგორ უნდა გავაწყოთ ჩვენი საახალწლო სუფრა

სუფრა უნდა იყოს სადა და არა მყვირალა ფერის. ოპტიმალური ვარიანტია თეთრი სუფრა, თუმცა შეგიძლიათ გამოიყენოთ ვარდისფერი ან ოქროსფერიც.
რაც შეეხება სერვირებას, ის უნდა იყოს აუცილებლად ნატურალური, მხოლოდ მინა, ბროლი, თიხა ან ხე. არავითარი პლასტმასი.
ხელსახოცები სუფრის ფერის მიხედვით შეარჩიეთ.
მაგიდის შუაგულში თეფშზე ლამაზად დალაგებული მარცცვლეულის დადებას გირჩევთ, ეს წითელ მამალს ძალიან მოეწონება. ეცადეთ მაგიდა გააფორმოთ წითელი სანთლებითა და ოქროსფერი აქსესუარებით.