სერიალ „ხელოვნური სუნთქვის“ შემოქმედებითი ჯგუფი განცხადებას ავრცელებს. ისინი მაყურებელს ინტერესისა და თანადგომისთვის მადლობას უხდიან. შემოქმედებითი ჯგუფის განცხადებით სერიალის მომავალი ამ დროისთვის უცნობია. სავარაუდოდ აღნიშნული ფაქტი ტელეკომპანია „რუსთავი2“-ში მიმდინარე პროცესებს უკავშირდება. ტელეკომპანიის გენერალური მდივნის ნიკა გვარამიას განცხადებით რ2-ი სასამართლოს მიერ დაწესებული ყადაღის გამო ფინანსურ ვალდებულებებს ვეღარ ასრულებს:

„მეგობრებო,

ხელოვნური სუნთქვის მთელი შემოქმედებითი ჯგუფის სახელით გიხდით უდიდეს მადლობას ჩვენთან ერთად გატარებული ყველა საღამოსთვის!

ორი სეზონის განმავლობაში მუდმივად ვიღებდით თქვენგან, ამ სერიალის მაყურებლებისგან, მხარდაჭერის და სიყვარულის გამომხატველ წერილებს, შექებას, კრიტიკას, ცრემლებს, სიცილს, ემოციებს და განცდებს, იმ ყველაფერს, რამაც მოგვცა უდიდესი ენერგია ამ მასშტაბური პროექტის განსახორციელებლად. :)მადლობას გიხდით ამისთვის მხოლოდ თქვენ, უკლებლივ ყველა მესიჯის, კომენტარის და სტატუსის ავტორს!

მეორე სეზონი დასრულებულია. რაც შეეხება სერიალის გაგრძელებას - ამ ეტაპზე უცნობია, იქნება თუ არა ხელოვნური სუნთქვის მესამე სეზონი“- აღნიშნულია განცხადებაში.