ნინო სურგულაძის საქველმოქმედო ფონდი "ნატვრის ხე" გალა კონცერტს გამართავს

კულტურა - 00:42, 28 Dec, 2016

2710

28 დეკემბერს თბილისის საკონცერტო დარბაზში ნინო სურგულაძის საქველმოქმედო ფონდი "ნატვრის ხე" მასშტაბურ გალა კონცერტს გამართავს.

საქველმოქმედო კონცერტში მონაწილეობას მიიღებენ როგორც ქართველი შემსრულებლები, ასევე უცხოელი სტუმრები, რომლებიც თბილისში სპეციალურად ქართველი ბავშვების დასახმარებლად ჩამოვიდნენ.

კონცერტში მონაწილეობენ: მეცო-სოპრანო ნინო სურგულაძე, კორსიკული ჯგუფი "სარტენე", იტალიური ჯგუფი "ლე დივას", ოლივერ პული, შოტლანდიიდან სპად დი ფაიფერი, ფრანჩესკო ტასკაიალი.

ასევე - ანსამბლები "რუსთავი", "ბასიანი", "ქართული ხმები", "გეორგიკა", "ირიაო", გორის ქალთა კამერული გუნდი, ევგენი მიქელაძის სახელობის სიმფონიური ორკესტრი, მაესტრო მირიან ხუხუნაიშვილი, სოფიკო კაკულია, ნიკა ნიკვაშვილი.

უცხოელი ვარსკვლავების სრული შემადგენლობა უკვე თბილისშია, მათ დღეს თბილისის საკონცერტო დარბაზში რეპეტიცია გაიარეს და ხვალ მაყურებელთან შესახვედრად მზად არიან.

კონცერტის გენერალური პარტნიორია კომპანია "სოკარი", მასპინძელი სასტუმრო - ”Rooms Hotel”.

საქველმოქმედო გალა-კონცერტი 28 დეკემბერს, 21:30 საათზე თბილისის საკონცერტო დარბაზში დაიწყება და ტელეკომპანია "იმედის" პირდაპირ ეთერში გადაიცემა. იმოქმედებს ნომერი - 0901 900 999, ზარის ღირებულებაა ერთი ლარი.