,,დილით ვინმე უცნობი ნომრის დამლაგებელი არ გახდეს ჩემი მეკვლე...“

,,დილით ვინმე უცნობი ნომრის დამლაგებელი არ გახდეს ჩემი მეკვლე...“ - თამარ ივერი საახალწლო ტრადიციებით

საზოგადოება - 09:33, 26 Dec, 2016

1484

„ვინ სად და როგორ ხვდება ახალ წელს?“ - „ნიუპოსტი“ ამ რუბრიკით უცხოეთში მცხოვრებ ქართველების ახალ წელზე მოგითხრობთ. ამჯერად ჩვენი სტუმარი მსოფლიოში აღიარებული საოპერო მომღერალი თამარ ივერი გახლავთ.
თამარ ივერი: ახალ წელს როგორც ასეთი რაიმე განსაკუთრებული ტრადიცია არ მაქვს რადგან, ჩემი სამომღერლო გრაფიკის შემყურე სად, რომელ ქვეყანაში მომიწევს შეხვედრა არ ვიცი.
ხშირად სულაც სასტუმროს ნომერში გამიტარებია დადგმების დროს. არც რაიმე კერძებს ვამზადებ როგორც ასეთი.
თუ მოხდა და თბილისში შევხვდი ოჯახში, ნუ მაშინ ხილი, საცივი , გოზინაყი ყოველთვის მაქვს.
ერთადერთი ტრადიცია რაც მაქვს არის ის რომ სადაც არ უნდა ვიყო, 31ში ღამის 00.00 მდე ხუთი წუთით ადრე სანთელს ვანთებ და ლოცვას ვიწყებ.00.01 წუთს ყოველთვის ანთებული სანთლით და ლოცვით ვხვდები.როგორც დაწერილ ლოცვებს ვკითხულობ...ასევე ვლოცულობ სამომავლო სურვილებზე და ოჯახის და კეთილისმსურველთა კეთილდღეობაზე. ეს არის ჩემთვის ყოველთვის ყველაზე ჩემეული მნიშვნელოვანი ტრადიცია ვიდრე სავსე სუფრა.ლოცვის შემდგომ ვასხამ ღვინოს და ახალი წლის სადღეგრძელოს ვსვამ.
საჩუქრების ტრადიციაც ასეთივეა...თუ სტუმრად მივდივარ....საახალწლო ბამბანერკებს ან საახალწლო აქსესუარების ნაკრებს ვჩუქნი ადამიანებს.
ევროპაში და მსოფლიოში ძირითადი აქცენტი შობაზეა გადატანილი.ახალ წელს ყველა გარეთ არის და გარეთ ქეიფობენ გლინტვეინებით, ლუდებით თაფლაკვერებით, პუნშის სასმელებით და ა.შ...
ასევე მეკვლეობის ტრადიციაც მაქვს ჩემივე სახლიდან გავიდე, ისევ შემოვბრუნდე და კამფეტები შემოვყარო..."შემოვდგი ფეხი-გწყალობდეთ ღმერთი"მეთქი და მევე გავხდე ჩემი ოჯახის მეკვლე...რადგან ვთვლი რომ კარგი ფეხი მაქვს და თან მივეჩვიე სასტუმროებში რომ....დილით ვინმე უცნობი ნომრის დამლაგებელი არ გახდეს ჩემი მეკვლე.
სხვებისაც ვყოფილვარ და რატომღაც იმ წელს კარგი წარმატებები და გამართლებები ჰქონიათ და მეუბნებიან იქნებ წელსაც იყოო...შენ თუ აქ არ ხარ...შენო სისიკო მაინც შემოგვიგდოს ვინმემო (ჩემს პატარა იორკშირის ძაღლსაც კარგი "ფეხი" აქვს)
რაც შეეხება საახალწლო სურვილებს - შემდგომი წელი მინდა ყოველთვის ბევრად უკეთესი იყოს ვიდრე გასული...როგორც ჩემი იჯახისთვის....ასევე მთელი საქართველოსთვის.