მომხდარ ფაქტს ადასტურებენ შს სამინისტროში, როგორც ,,ნიუპოსტს“ უწყების პრესცენტრში განუცხადეს მომხდართან დაკავშირებით ძიება სისხლის სამართლის კოდექსის 236 და 118 მუხლებით დაიწყო, რაც იარაღის უკანონო შეძენა, შენახვა ტარებასა და ჯანმრთელობის განზრახ ნაკლებად მძიმე დაზიანებას გულისხმობს.
შემთხვევის ადგილზე სამართალდამცველები მუშაობენ.
დაჭრილი სასულიერო პირი ცენტრალურ საუნივერსიტეტო კლინიკაშია (რესპუბლიკური საავადმყოფო) გადაყვანილი. როგორც კლინიკაში აცხადებენ, ის ქვედა კიდურშია დაჭრილი და მისი მდგომარეობა სტაბილურია.
საზოგადოებრივი მაუწყებლის ინფორმაციით, ადგილზე მივიდნენ დაჭრილი სასულიერო პირის მრევლის წევრები. მათი ინფორმაციით, მოძღვარი, ტაძარში ჩატარებული ლოცვის შემდეგ, სახლში ბრუნდებოდა. თავდასხმის მოტივი და მომხდარის დეტალები მათთვის უცნობია.
მასალის გამოყენების პირობები






