,,თურქეთში კლინიკა „მედიკალ პარკი“ მზად არის პატარა ანასტასია ზაალიშვილი მიიღოს, ყველა ხარჯს ფარავს სოლიდარობის ფონდი და ჯანდაცვის სამინისტრო“

საზოგადოება - 14:29, 24 Dec, 2016

46807

მთავრობის ადმინისტრაციის უფროსის მოადგილის ნინო კობახიძის ინფორმაციით, თურქეთში კლინიკა „მედიკალ პარკი“ მზად არის ანასტასია ზაალიშვილი მიიღოს. მისივე განცხადებით, თურქული მხარე ესაუბრა იაშილის კლინიკას და რეანომობილის საკითხიც მოგვარებულია.

„ინტერესიდან გამომდინარე ვწერ დღევანდელ ინფორმაციას ანასტასია ზაალიშვილთან დაკავშირებით. თურქეთში კლინიკა „მედიკალ პარკი“ მზად არის ბავშვი მიიღოს და მოგვარებულია რეანომობილის საკითხიც. კლინიკა ესაუბრება იაშვილის კლინიკას. ბავშვის მდგომარეობა თუ მოგვცემს საშუალებას ( და ამას მხოლოდ ექიმები საზღვრავენ და მათ საბოლოო დასკვნას ელოდებიან) ბავშვის ტრანსპორტირება მოხდება დღესვე. იმ შემთხვევაში თუ 1%-იანი რისკიც ახლავს ფრენას დაელოდებიან მდგომარეობის გაუმჯობესებას. ვაკონკრეტებ ყველა ხარჯს ფარავს სოლიდარობის ფონდი და ჯანდაცვის სამინისტრო“, - წერს ნინო კობახიძე „ფეისბუქის“ გვერდზე.

2 წლისა და 8 თვის ანასტასია ზაალიშვილს სასწრაფოდ მკურნალობა ესაჭიროება. მშობლების ინფორმაციით, გოგონიას ბიოფსიის პასუხების შედეგად, მედულობლასტომა IV სტადიის, ( ავთვისებიანი სწრაფმზრდადი) სიმსიმვნე დაუდგინდა.