თბილისის სახელმწიფო უნივერსიტეტის რექტორი გიორგი შარვაშიძე აცხადებს, რომ თსუ მიუნხენის ტექნიკურ უნივერსიტეტთან მუშაობს იმაზე, რომ შემორებული იქნეს თანამედროვე ევროპული დონის სტუდენტური ბაზა. აღნიშნულის შესახებ შარვაშიძემ დღეს გამართულ პრესკონფერენციაზე ისაუბრა:

„სტუდენტური ბაზების საკითხი, რომელიც იყო ჩვენი წუხილის საგანი, გასწორდა, საჭირო არის, რომ პილოტირება მოხდეს ახალი ბაზების, რომლებიც უკვე დაიწყო ბაკალავრიატის დონეზე. ჩვენ ინტენსიურად ვმუშაობთ მიუნხენის ტექნიკურ უნივერსიტეტთან იმაზე, რომ შემოვიღოთ ახალი, თანამედროვე ევროპული დონის სტუდენტური ბაზა. ეს არ იქნება მხოლოდ სტუდენტური ბაზა, ეს იქნება საერთო ბაზა მთელი უნივერსიტეტისთვის. დაწყებულია მოლაპარაკებები, არსებობს ადაპტირებული ვერსია და ვიმედოვნებთ, წლის ბოლომდე მოვახერხებთ ბაზის გაშვებას. ეს მოგვცემს საშუალებას, რომ ხილვადი გახდეს ბევრი რამ. მინიმუმამდე იქნება დაყვანილი ბიუროკრატია და ტრანსფარენტული გარემო შეიქმნება“, - განაცხადა შარვაშიძემ.