საპატრიარქომ დაპირისპირებულ სასულიერო პირებს მითითება მისცა

საპატრიარქომ დაპირისპირებულ სასულიერო პირებს მითითება მისცა - სინოდი სხდომის დეტალები

საზოგადოება - 15:31, 22 Dec, 2016

6203

სინოდის სხდომის დასრულების შემდეგ ჟურნალისტებთან კომენტარი გააკეთა დმანისის მიტროპოლიტმა მეუფე ზოსიმემ.

კითხვაზე, ასევე ხომ არ იმსჯელეს იმაზე, რომ დავით ისაკაძე თეოდორე გიგნაძეს ეძახის მწვალებელს, ზოსიმემ განაცხადა, რომ საპატრიარქომ მათ მითითება მისცა:

"მითითება მიეცათ, რომ ასეთი რაღაც არ მოხდეს ეკლესიაში,"- განაცხადა მან.

შეგახსენებთ, რომ სასულიერო პირებს შორის დაპირისპირებაზე გააკეთა კომენტარი სინოდის სხდომის დაწყებამდე მეუფე პეტრემ. ჭყონდიდისა და მარტვილის ეპისკოპოსი აცხადებს, რომ აუცილებელია აღდგეს საეკლესიო სამართალი. მეუფე დიდი საეკლესიო კრების მოწვევის შესაძლებლობაზეც საუბრობს.

„თუ სინოდს არ შესწევს ამის ძალა, მაშინ აუცილებლად უნდა მომზადდეს ე.წ. დიდი საეკლესიო კრება, რომელშიც ჩართულები იქნებიან როგორც სასულიერო პირები, ისე ერისკაცები, რაღაც რუის-ურბნისის მსგავსი, სადაც ყველა საკითხი ღვთის წყალობით მოგვარდება და საქართველოს შესწევს ამის ძალა“, - განაცხადა მეუფე პეტრემ.

ჭყონდიდელი ეპისკოპოსი მეუფე პეტრე პატრიარქის მდივან რეფერატს შორენა თეთრუაშვილს ეკელსიაში არსებულ პრობლემებში ბრალს სდებს და წმინდა სინოდის სხდომაზე საკითხის დაყენებას აპირებდა. მეუფე აცხადებდა, რომ სწორედ მის ხელშია მოქცეული განუსაზღვრელი ძალაუფლება.

,,მთავრი პრობლემა საქართველოს საპატრიარქოში არის განუსზღრველი ძალაუფლება პატრიარქის მდივნის ქალბატონის ხელში არსებული, რასაც უკავშირდება პრობლემების შექმნა. დანარჩენი ადვილად მოგვარებადია. აუცილებლად უნდა აღსდგეს საეკლესიო სასამათლო და ეს პრობლემებო მოგვარდება.

მის ხელში არსებული განუსაზღვრელი ძალაუფლება არის თავი ამ პრობლემებისა, რუხი კარდინალის არსებობა მისი სახით“ - განაცხადა სინოდის დაწყების წინ მარტვილისა და ჭყონდიდის ეპისკოპოსმა.