ვინ სად და როგორ ხვდება ახალ წელს? - ნიკას ცქიტიშვილის ოჯახი ტრადიცია და ბაჰრეინული დღეები

საზოგადოება - 11:00, 22 Dec, 2016

8878

„ვინ სად და როგორ ხვდება ახალ წელს?“ - „ნიუპოსტი“ ამ რუბრიკით უცხოეთში მცხოვრებ ქართველების ახალ წელზე მოგითხრობთ. ამჯერად კალათბურთელ ნიკა ცქიტიშვილისა და მისი ოჯახის ახალ წელზე, თავად ნიკას მეუღლე სოფო მოგვიყვება.
სოფო გოგებაშვილი: „ახალ წელს ვხვდებით თბილ ბაჰრეინში, დიდი ხანია საქართველოში არ შევხვედრილვართ და ძალიან გვენატრება ქართული ახალი წელი, თუმცა, ვცდილობთ აქაც შევიქმნათ განწყობა და ვხვდებით ტრადიციული სუფრით, სამზადისიც შესაბამისი.

განსაკუთრებული ამ ახალ წელში ის არის რომ ჩემი წელი მოდის :)))))) (ხუმრობით).
ბაჰრეინში წინასაახალწლო ბევრი ღონისძიებაა განსაკუთრებით ბავშვებისთვის,სკოლის არდადაგები საშუალებას გვაძლევს წავიდეთ ბევრ ივენთზე და ბავშვებს მართლაც აქვთ განწყობა შექმნილი,თუმცა 20 გრადუსია და წუწუნებენ თოვლი ენატრებათ. ახალი წელი თოვლის გარეშე დიდებსაც არ მოგვწონს.

ოჯახისა და ახლობლებისგან შორს ვართ მაგრამ მაქსიმალურად ვცდილობთ შესაბამისი განწყობით შევხვდეთ ახალ 2017 წელს,თანაც ბავშვობიდან მახსოვს, როგორც გავატარებთ ამ დღეს ისე წარიმართება მთელი წელი. ასე რომ ვიყოთ ყველა პოზიტიურ, ბედნიერ განწყობაზე.
წელს ლიზიმ (6 წლის) პირველად დაუწერა სანტას წერილი თავისი ხელით და ძალიან გამიხარდა,თავისი რომ დაამთავრა შემდეგ თავის უმცროს დასაც (3 წლის) დაეხმარა. მთავარი ის იყო რომ ძალიან დიდი მოწიწებით, მორიდებით სთხოვა თოჯინა, თავისი 2 კბილი და ოჯახის ბედნიერება.ამ ერთმა დეტალმა მართლაც აამაღლა საახალწლო განწყობა ჩვენს ოჯახში. გულმოდგინედ ამზადებენ ქართულ სიმღერას-ფიფქებო.
30 დეკემბერს ტრადიცია გვაქვს მე და ნიკას, ორივე ცალცალკე მივდივართ,ვყიდულობთ საჩუქრებს ყველასთვის და ვაწყობთ ნაძვის ხის ქვეშ. თავებს არ ვაძლევთ იმის საშუალებას რომ მოვიწყინოთ,მაქსიმალურად პოზიტიურად ვატარებთ დღეს,ჩვენ ვარჯიშის და ცეკვის ხერხს მივმართავთ, რაც გვაბედნიერებს ის უნდა ვაკეთოთ.ამ ახალ წელს ბანალურად ჟღერს, მაგრამ დღევანდელი გარემოებიდან გამომდინარე ვისურვებდი სიმშვიდეს მსოფლიოში, სრულიად ყველას ჯანმრთელობას, მეტ პოზიტივს და ღიმილიან სახეებს. ბედნიერ 2017 წელს გისურვებთ!