28 დეკემბერს ნინო სურგულაძის საქველმოქმედო ფონდი ,,ნატვრის ხე“ გალა კონცერტს გამართავს
კულტურა - 14:57, 20 Dec, 2016     2694
28 დეკემბერს თბილისის საკონცერტო დარბაზში ნინო სურგულაძის საქველმოქმედო ფონდი "ნატვრის ხე" საახალწლო გალა კონცერტს გამართავს.

ფონდის ხელმძღვანელის ნინო სურგულაძის განცხადებით, საქველმოქმედო კონცერტში მონაწილეობას მიიღებენ როგორც ქართველი შემსრულებლები, ასევე უცხოელი სტუმრები, რომლებიც თბილისში სპეციალურად ქართველი ბავშვების დასახმარებლად ჩამოვლენ.

კონცერტში მონაწილეობას მიიღებენ: ნინო სურგულაძე, კორსიკული ჯგუფი "სარტენე", იტალიური ჯგუფი "ლე დივას", ოლივერ პული, შოტლანდიიდან სპად დი ფაიფერი, ფრანჩესკო ტასკაიალი.

ასევე - ანსამბლები "რუსთავი", "ბასიანი", "ქართული ხმები", "გეორგიკა", "ირიაო", გორის ქალთა კამერული გუნდი, ევგენი მიქელაძის სახელობის სიმფონიური ორკესტრი, მაესტრო მირიან ხუხუნაიშვილი, ნინო სურგულაძე, მომღერალი სოფიკო კაკულია, ნიკა ნიკვაშვილი.

"ამჯერად გვექნება განსხვავებული ფორმატი, კონცერტში მონაწილეობას მიიღებენ ქართველი შემსრულებლები და ასევე მოწვეული სტუმრები საზღვარგარეთიდან. კონცერტში მონაწილეობენ: ანსამბლები "რუსთავი", "ბასიანი", "ქართული ხმები", "გეორგიკა", "ირიაო", გორის ქალთა კამერული გუნდი, რომლებიც ძალიან დიდი წარმატებით მოგზაურობენ მსოფლიოში ქეთი მელუასთან ერთად. მიუხედავად გადატვირთული გრაფიკისა, ჩემი ქართველი კოლეგები სრულიად უანგაროდ მონაწილეობენ კონცერტში, რაც მე ძალიან მახარებს და ეჭვიც არ მეპარებოდა. ასევე ევგენი მიქელაძის სახელობის სიმფონიური ორკესტრი, რომელსაც უხელმძღვანელებს მაესტრო მირიან ხუხუნაიშვილი. საღამოში მონაწილეობას მიიღებს ასევე არაჩვეულებრივი მომღერალი სოფიკო კაკულია, რომელიც წარსულში არაერთ კონცერტში მონაწილეობდა და ამ პაუზის შემდეგ გამოჩნდება ჩვენს კონცერტში, მას ნიკა ნიკვაშვილი გაუწევს პარტნიორობას.

ასევე კონცერტში მონაწილეობს კორსიკული ჯგუფი "სარტენე", რომლის წევრებიც მიუხედავად მათთვის ძალიან მნიშვნელოვანი დღეებისა, სპეციალურად ჩამოვლენ ჩვენთან, რათა ჩვენს ბავშვებს დაუდგნენ გვერდით, ასევე იტალიიდან ჩამოვა "ლე დივას", ანსამბლი, რომელიც ბოჩელთან ერთად ხშირად გამოდის მსოფლიო ტურნეებზე, მონაწილეობას მიიღებს შოტლანდიიდან ჩვენი სტუმარი სპად დი ფაიფერი, რომელიც მისი ოჯახის ისტორიით დაკავშირებულია ინგლისის დედოფალთან და ასევე მადონასთან, მან დაუკრა მადონასა და გაი რიჩის ქორწილში, რის შემდეგად მსოფლიო პრესა მის შესახებ საუბრობდა, არის ქველმოქმედი და ძალიან კარგი მუსიკოსი, უამრავი კონკურსის გამარჯვებული, რომელიც სიხარულით მოდის, ასევე ფრანჩესკო ტასკაიალი, რომელიც 24 წლისაა და მსოფლიომ გენიოსად აღიარა, 13 წლიდან წერს ძალიან საინტერესო მუსიკას და შეასრულებს თავის ნაწარმოებს. ასევე დიდი ბრიტანეთიდან ჩამოვა ოლივერ პული, რომელსაც ჩვენ ყველა ძალიან კარგად ვიცნობთ.

ძალიან დიდი შემადგენლობაა, დიდი კონცერტია და რაც მთავარია, ემსახურება ძალიან კარგ მიზანს, რომ ერთად გადავარჩინოთ ბავშვები, რომლებსაც სასიცოცხლოდ ესაჭიროებათ დახმარება. ჩვენ უკვე ყველამ ერთად, ერთობლივი ძალისხმევით დავეხმარეთ 40-მდე ბავშვს. არაფერია შეუძლებელი სიკეთით, სიყვარულით და ერთად დგომით.

კონცერტის გენერალური პარტნიორია კომპანია "სოკარი", ღონისძიების მასპინძელია "რუმს ჰოტელი ", - აცხადებს ნინო სურგულაძე.

საქველმოქმედო გალა-კონცერტი 28 დეკემბერს, 21:30 საათზე თბილისის საკონცერტო დარბაზში დაიწყება და ტელეკომპანია "იმედის" პირდაპირ ეთერში გადაიცემა. იმოქმედებს ნომერი - 0901 900 999, ზარის ღირებულებაა ერთი ლარი.





მასალის გამოყენების პირობები


სხვა სიახლეები
ამომრჩეველზე ზეწოლა კახეთში - "თუ ისინი არ შემოხაზავენ 41-ს, ანა ექიმის იმედი არ ჰქონდეთ"
მიხეილ სააკაშვილის ოფისი და უკრაინის შსს შიდა სტრუქტურების რეფორმირებას იწყებს
მაჟორიტარობის კანდიდატს ძმებმა თალაკვაძეებმა კანდიდატურის მოხსნა აიძულეს - "საქართველოსთვის"
სექტემბრიდან პირადობის მოწმობები ერთი თვის განმავლობაში უფასოდ გაიცემა
"ბიოფსიის შედეგად დადგინდა ჰოჯკინის ავთვისებიაი სიმისვნე, კისერზე გულმკერდზე, ლავიწებზე, 20 ივლისიდან დაიწყეს ქიმიებით მკურნალობს" - 11 წლის ბავშვს საზოგადოების დახმარება სჭირდება
პენიტენციური სამსახური: კორონავირუსი 105 პატიმარს აქვს, უმეტესობა ახლადდაკავებულია
ციხის კარი უნდა გავაღოთ - COVID 19-ის გამო ნაციონალური მოძრაობა ფართო ამნისტიის ინიციატივით გამოდის
სუს უარყოფს, რომ ვაგნერის წევრი ახლა საქართველოშია
ეროვნულმა ბანკმა ლარის ახალი კურსი დაადგინა
გაბუნია: სკოლებში სწავლას ვერ დავიწყებთ, სანამ ეპიდსიტუაცია საკმარისად არ დასტაბილურდება
თბილისში კორონავირუსით 6 წლის ბავშვი გარდაიცვალა
“გუშინ დილით გარდაიცვალა ჩემი უკეთილესი…ნუ ცდილობთ რამე შეტენოთ ჩემს საამაყო და არაჩვეულებრივ ძამიკოს!” – გარდაცვლილი ფიტნეს-ინსტრუქტორის და საზოგადოებას მიმართავს
თუ მუნიციპალურ ტრანსპორტს არ გახსნით, დავიწყებთ აქციებს - შალვა ნათელაშვილი
"თუ აცრის პროცესი შენელდება, ამაში პირადად მე ბატონი კანდელაკის დიდ წვლილსაც დავინახავ...“ - კვესიტაძე
საინტერესო ამბები
იმნაძე, ეზუგბაია, ენდელაძე, ქაშიბაძე და სხვა ექიმები AstraZeneca-ს ვაქცინით ხვალ აიცრებიან
დღეს, 02:42
"ბიუჯეტი შეჭამა ბიუროკრატიამ"- უმძიმესი ეპიდსიტუაციისა და ეკონომიკური სიდუხჭირის ფონზე ხელისუფლება საჯარო სექტორში დასაქმებულთა ხელფასებს ზრდის
დღეს, 02:42
კიდევ ერთი თავდასხმა პოლიტიკურ ოპონენტებზე - "ქართული ოცნების“ აქტივისტები გაერთიანებული ოპოზიციის წარმომადგენლებს ფიზიკურად გაუსწორდნენ
დღეს, 02:42
ბავშვებში კორონავირუსის ახალი სიმპტომები გამოვლინდა - პედიატრი მოსახლეობას აფრთხილებს
დღეს, 02:42