“ნოუ კამპზე” ლა ლიგის მე-16 ტურის ცენტრალური შეხვედრა გაიმართა. მასპინძელმა „ბარსელონამ” “ესპანიოლი” დიდი ანგარიშით 4:1 დაამარცხა.

ანგარიში მე-18 წუთზე ინიესტას გადაცემის შემდეგ ლუის სუიარესმა გახსნა, ყველაზე დასამახსოვრებელი მომენტი 67-ე წუთზე იყო,, როდესაც ლიონელ მესიმ საოცრად მოახერხა 4 ფეხბურთელის მოტყუება და ბურთი კარის მიმართულებით გაგზავნა. „ესპანიოლის“ მეკარემ ბურთი ახლოსვე მოიგერია, რითიც ლუის სუარესმა ისარგებლა და მოწინააღმდეგეს მეორე გოლიც გაუტანა. ერთ წუთში კი მესამე გოლი მესიმ მიაყოლა.

სამი გატანილი გოლის შემდეგ მასპინძლები ოდნავ მოეშვნენ, რითაც “ესპანიოლმა” ისარგებლა და ფორვარდის პოზიციაზე მყოფმა დავიდ ლოპესმა „ბარსელონას“ კარში გოლის გატანა შეძლო.

მატჩის ბოლოს კი სუარესისა და მესის წყვილმა შესანიშნავი კომბინაცია გაითამაშეს და ესპანიოლის კარში მე-4 გოლიც გაიტანეს.

ლა ლიგის მე-16 ტურის შედეგებით "ბარსელონა" მე-2 ადგილზეა და "რეალს" 3 ქულით ჩამორჩება.