სასულიერო პირებს შორის დაპირისპირება - დღეს წმინდა სინოდის სხდომა გაიმართება

საზოგადოება - 09:39, 22 Dec, 2016

10940

22 დეკემბერს საქართველოს მართლმადიდებელი ეკლესიის წმინდა სინოდი მორიგ სხდომას გამართავს. საპატრიარქოს ინფორმაციით კრება გეგმიურია და მასზე სხვა თემებთან ერთად პატრიარქის აღსაყდრებისა და დაბადების საიუბილეო დღეების აღსანიშნავი ღონისძიებების საკითხის განხილვა მოხდება.

25 დეკემბერს, ილია მეორის აღსაყდრებიდან 39 სრულდება, 4 იანვარს კი პატრიარქი 84 წლის ხდება.

არსებული ინფორმაციით, სინოდზე 46 მღვდელმთავარი, ე.წ. ,,დიღმის დაჯგუფებასა" და სხვა სასულიერო პირებს შორის დაპირისპირების საკითხს განიხილავს. დაპირისპირება დეკანოზ დავით ისაკაძის განცხადებას მოჰყვა, რომელმაც მამა ლაექსანდრე გალდავა და თეორორე გიგნაძე ეკლესიის მტრებად გამოაცხადა. სასულიერო პირების ნაწილს იმედი აქვს, რომ ყველაფერი ისე მოგვარდება როგორც ეს ერისთვის და ბერისთვის სასიკეთო იქნება.

ამასთან, შესაძლოა სინოდმა საქართველოს პატრიარქისთვის სახელმწიფო დაცვის მოხსნის საკითხი განიხილოს. კურეიერის ინფორმაციით, სახელმიწიფო დაცვის სამსახური მხოლოდ საპატრიარქოს შენობას იცავს და არა თავად პატრიარქს. გავრცელებული ინფორმაციით, სახელმწიფო დაცვის სპეციალურმა სამსახურმა პატრიარქის დაცვა შინაგან საქმეთა სამინისტროს დაცვის პოლიციას იმ მოტივით გადააბარა, რომ საკუთარ ბიუჯეტში ამისთვის თანხები ვერ გამოძებნა.