"ვირუსის 46 დადასტურებული შემთხვევა გვაქვს, ჰოსპიტალიზაციის შემთხვევა 16 %-ით მომატებულია“- ამირან გამყრელიძე

საზოგადოება - 14:24, 15 Dec, 2016

3799

დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა,რომ წელს ცირკულირებს a ტიპის h3 ვირუსი, რომელიც ეს არის შედარებით მსუბუქად ბავშთა ასაკში.

ამირან გამყრელიძის ინფორმაციით, სამკურნალო დაწესებულებეში მიმართვიანობის მაჩვენებელმა იმატა.

„რთული შემთხვევები არ არის მომატებული, თუმცა ჰოსპიტალიზაციის შემთხვევა 16 %-ით მომატებულია, ამიტომ რადგან ეს სეზონური გრიპი ყველა წელსაა, მოსახლეობამ იცის, მაგრამ ისევ ვიმეორებ, რომ გრიპის პროფილაქტიკისთვის საუკეთესო მეთოდი გახლავთ გრიპის საწინააღმდეგო ვაქცინაცია.

ჩვენ ყოველწლიურად ვზრდით ფოკუსჯგუფებს ვაქცინაციაზე”, -განაცხადა ამირან გამყრელიძემ „კვირას“ პრესკლუბში გამართულ პრესკონფერენციაზე.

გამყრელიძე მოსახლეობას რეკომენდაციით მიმართავს, რათა ჩაიტარონ გრიპთან დაკავშირებით ნებაყოფლობითი ვაქცინაცია.

მისივე ინფორმაციით, გრიპის სეზონზე განსაკუთრებით მნიშვნელოვანია ჰიგიენის დაცვა.

„გრიპი გადადის აერწვეთოვანი გზით, მაგრამ გრიპის ვირუსი ხანგრძლივად რჩება ხელზე, ამიტომ ხშირი ხელის დაბანა და ხშირი განიავება აუცილებელია, ასევე საჭიროა ამ პერიოდში მოვერიდოთ საზოგადოებრივი თავშეყრის ადგილებს“, – განაცხადა ამირან გამყრელიძემ „კვირას“ პრესკლუბში გამართულ პრესკონფერენციაზე.