ახალი წლიდან სოფლის რწმუნებულების თანაშემწეთა შემცირება იგეგმება. როგორც "გურიის მოამბესთვის" ხდება ცნობილი, ახალი წლიდან მუნიციპალიტეტის სოფლებში გამგებლის წარმომადგენლები თანაშემწეების გარეშე დარჩებიან. ჩვენთვის მოწოდებული ინფორმაციის თანახმად, მიმდინარე კვირის ორშაბათს, გამგეობაში დაბარებული ჰყავდათ ყველა სოფლიდან წარმომადგენლები და მათ ამის შესახებ ინფორმაცია უკვე მიაწოდეს.

მიღებული გადაწყვეტილების შესაბამისად, თუ დღემდე სოფლებში გამგებლის წარმომადგენლებს, ორი ან რამდენიმე თანაშემწე ჰყავდათ, 2017 წლიდან მრავალკომლიან სოფლებსა და დაბებში რწმუნებულთან ერტად, მხოლოდ ერთი თანაშემწე დარჩება, მცირეკომლიანებში კი, მხოლოდ რწმუნებულს დატოვებენ.

ჩვენი ინფორმაციით მომავალი, 2017 წლიდან, გურიის მუნიციპალიტეტებში სხვა სამსახურებში დასაქმებულ საჯარო მოხელეთა და ა (ა) იპიების თანამშრომელთა შემცირებებიც იგეგმება.

ხელისუფლებაში აცხადებენ, რომ ეს ქვეყნის მაკროეკონომიკური მდგომარეობიდან არის გამოწვეული.

"გურიის მოამბე" მხარის მუნიციპალიტეტების გამგებლების მოადგილეებს გაესაუბრა, რომლებმაც კონკრეტიკისაგან ტავიშეიკავეს და თითქმის ყველა მათგანმა ბრძანა, რომ განმსაზღვრელი ის ბიუჯეტი იქნება, რომლებსაც საკრებულოები დაამტკიცებენ. ხელისუფლება მხოლოდ ბიუჯეტის დამტკიცების შემდეგ დააკონკრეტებს რა გზით წავა ამ მიმართულებით, თუმცა ის, რომ შემცირებები აუცილებლად მოხდება ამას ყველა მათგანი ადასტურებს.