ელექტროენერგიის ტარიფის მატებას არ ვარაუდობს სემეკი. კომისიაში აცხადებენ, რომ ენერგო კომპანიის განაცხადები აქვთ მიღებული, რომელთა განხილვაც წლის ბოლომდე დასრულდება, რის შედეგადაც ვითარება სავარაუდოდ უცვლელი დარჩება:

„სამომხმარებლო ტარიფებზე მე უკვე არა ერთხელ აღვნიშნე, რომ ტენდენცია გაძვირების არ არის. ხშირად კითხულობენ, კურსი მოქმედებს თუ არა. ზოგადად კურსი მოქმედებს, თუმცა, კურსის გარდა, სხვა ფაქტორებიც არის, რომელიც მოქმედებს ტარიფის ფასის წარმოქმნაზე,“ - განაცხადა საქართველოს ენერგეტიკის და წყალმომარაგების მარეგულირებელი ეროვნული კომისიის წევრმა გოჩა შონიამ.

14დეკემბერს გაიმართება სხდომა, სადაც იქნება განხილული ენგურისა და ვარდნილის ჰიდროელექტროსადგურების სატარიფო აპლიკაციები და მიღებული იქნება გადაწყვეტილება მათთან მიმართებით.