ჩოხატაურის მუნიციპალიტეტის სოფელ საჭამიასერში მეწყერი ჩამოწვა. ამავე სოფლის ერთ-ერთ უბანში ჩამოიშალა საავტომობილო გზა. ცენტრალური მაგისტრალიდან სოფელ ამაღლებასთან დამაკავშირებელ ხიდთან, ადიდებულმა მდინარემ მიწაყრილი ჩაშალა. როგორც ჩოხატაურის გამგებელი, ირაკლი კუჭავა აცხადებს, ხიდის აღდგენითი სამუშაოები ხვალ დაიწყება. საავტომობილო გზა კი უკვე გაიწმინდა ჩამოშლილი ქანებისგან, რაშიც აქტიურად იყო ჩართული ადგილობრივი მოსახლეობა:
მთაში დიდთოვლობა გვაქვს, ზოტთან დამაკავშირებელი გზა რამდენჯერმე გაიწმინდა, ბარში წვიმების შედეგად მეწყერი ჩამოწვა. საჭამიასერის პატარჭალის უბანში საავტომობილო გზა ჩამოიშალა, რომელიც ქანებისაგან ოპერატიულად გაიწმინდა. მადლობა ჩოხატაურის ავტოსერვისცენტრს, სოფლის ხელმძღვანელებსა და აქტიურად ჩართულ მოსახლეობას.

ცენტრალური მაგისტრალიდან ამაღლებასთან დამაკავშირებელ ხიდთან, ადიდებულმა მდინარემ, მიწაყრილი ჩაშალა. ხვალიდან დაიწყება აღდგენითი სამუშაოები-აღნიშნავს ჩოხატაურის მუნიციპალიტეტის გამგებელი ირაკლი კუჭავა.
რაც შეეხება მაღალმთიან სოფლებს, ზოტში, ჩხაკაურასა და ქვაბღაში თოვლის საფარი ორ მეტს აღწევს. გამგეობაში აცხადებენ, რომ აღნიშნული სოფლების მიმართულებით გზები ინტენსიურად იწმინდება. მოსახლეობას შეუფერხებლად მიეწოდება ელექტროენერგია.
თეა იოსელიანი, გურია
მასალის გამოყენების პირობები






