სკოლას წყალი ყოველთვის გაფილტრული, უსაფრთხო მიეწოდება

სკოლას წყალი ყოველთვის გაფილტრული, უსაფრთხო მიეწოდება - ლია გიგაური

საზოგადოება - 19:41, 08 Dec, 2016

2436

საქართველოს განათლებისა და მეცნიერების მინისტრის მოადგილის, ლია გიგაურის განცხადებით, " სკოლას წყალი ყოველთვის გაფილტრული, უსაფრთხო მიეწოდება".
”არც ერთ სკოლაში წყალთან დაკავშირებული პრობლემები არ დაფიქსირებულა. წყალმომარაგების კომპანიები წყლის მდგომარეობის შესახებ ყოველდღიურად აკეთებენ ლაბორატორიულ ანალიზს. თუნდაც ოდნავი გადახრის შემთხვევაში, ისინი წყვეტენ წყალმომარაგებას და შესაბამის ღონისძიებებს ღებულობენ. წყალი სკოლას ყოველთვის გაფილტრული, უსაფრთხო მიეწოდება. იმ შემთხვევაში, თუ პერიოდულად სკოლა არ აკეთებს თავისი რეზერვუარის (თუკი ასეთი არსებობს) გაწმენდას და დეზინფიცირებას, ანალოგიურად, წყალმომარაგების კომპანიები მოგვამრთავენ ჩვენ. მაგრამ ასეთი ფაქტი არსად დაფიქსირებულა, არასოდეს ყოფილა, რადგან სკოლები რეკომენდაციებს მიჰყვებიან, არსებობს სპეციალური რეგლამენტი და იცავენ რეკომენდაციებს. გაფილტრული წყალი არ აქვთ იმ სოფლებში, სადაც გათხრილია ჭა, რადგან სოფელში ზოგადად არ არსებობს წყალმომარაგება. ასეთ შემთხვევაში მაინც მოწმდება წყლის უვნებლობა”, - განაცხადა ლია გიგაურმა.
განათლების მინისტრის მოადგილემ ზოგიერ სკოლაში წყალმომარაგების მილსადენი სისტემების მოუწესრიგებლობის შესახებაც ისაუბრა. გიგაურის განცხადებით, სასწავლო პროცესი 4000-მდე შენობაში მიმდინარეობს და მათი უმრავლესობა წინა საუკუნეშია აშენებული.
სახალხო დამცველის განცხადებით კი 2015–2016 წლებში საჯარო სკოლებიდან აღებული სასმელი წყლის 129 სინჯიდან 45 ”სასმელი წყლის ტექნიკური რეგლამენტის“ მოთხოვნებს არ შეესაბამებოდა.