"30 ათასი ძველი ჰქონდა გადმოსარიცხი, მაგრამ არ მოუცია, შეიძლება პირადულია რამე"-მეუფე იოსები ქალაქის მერზე

საზოგადოება - 12:29, 07 Dec, 2016

9704

გავრცელებული ინფორმაციით, ქ. ოზურგეთის მერი, ბეგი სიორიძე ადგილობრივი ბიუჯეტით უარს ამბობს შემოქმედის ეპარქიის დაფინანსებაზე, ამასთან დაკავშირებით "გურიის მოამბე" შემოქმედელ მიტროპოლიტს, მეუფე იოსებს დაუკავშირდა და შეფასების გაკეთება სთხოვა.
"ჯერ ვერაფერს ვერ გეტყვით, გავეცნობი სიტუაციას, კარგად არ ვიცი რა ხდება. თუ მან მიიღო ასეთი გადაწყვეტილება მაშინ შეეძლო მოეწერა პირველად და საქმის კურსში ჩავეყენებინე.
საერთოდ 40 ათასი ლარი იყო ბიუჯეტიდან რელიგიისთვის გამოყოფილი. 30 ათასი ჰქონდა ძველი გადმოსარიცხი და არც ის მოუცია. რატომ ავრცელებს ასეთ ინფორმაციას არ ვიცი. მე მაქვს ყველა დოკუმენტები, რაში იხარჯებოდა ეს თანხები. თავად არ მესაუბრება მე ამის შესახებ. შეეძლო მას ოფიციალური წერილი მოეწერა. მაშინ ბუღალტერმა რაღაც შეცდომა დაუშვა და არასწორი ინფორმაცია გასცა. თითოეული თეთრი იყო დახარჯული ეკლესია-მონასტრების სარემონტო სამუშაოებზე. შეიძლება ეს რაღაც პირადი ინტერესი იყოს, მაგრამ ამს საფუძველზე ასე არ უნდა კეთდებოდეს განცხადებები"-განაცხადა მეუფე იოსებმა.
„ვადასტურებთ, რომ ქალაქ ოზურგეთის მერია შემოქმედის ეპარქიას 2017 წლის ბიუჯეტიდან თანხას არ გამოუყოფს, ეს არ ნიშნავს, რომ ქალაქის მერია ეპარქიას უპირისპირდება, აქ საუბარია თანხები არმიზნობრივად ხარჯვაზე. ჩვენ მოგვიანებით გავავრცელებთ ინფორმაციას ამასთან დაკავშირებით.“ - აცხადებენ ქალაქის მერიაში.