რუსთავის მერიასთან სტუდენტები სამარშრუტო ტაქსებზე გაზრდილ გადასახადს აპროტესტებენ

საზოგადოება - 18:35, 06 Dec, 2016

2911

რუსთავი-თბილისის მიმართულებით სამარშუტო ტაქსებზე ფასის მატებას დღეს სტუდენტებმა რუსთავის მერიასთან გააპროტესტეს.
ამ წუთებში სტუდენტებს მერიის შესასვლელთან სირცხვილის კორიდორი აქვთ მოწყობილი. ისინი მერის შენობიდან გამოსვლას ელოდებიან.

რუსთაველი სტუდენტები სტუდენტური ტარიფის, დაახლოებით 75 თეთრის ოდენობით დაწესებას ითხოვენ.

ცოტა ხნის წინ აქციაზე შეკრებილ სტუდენტებთან გამოვიდა რუსთავის მერის მოადგილე და მან სტუდენტებს შესთავაზა, რომ შენობაში განეხილათ მათი მოთხოვნები, რაზეც სტუდენტები არ დათანხმდნენ.

,,ჩვენ მოვითხოვთ 75 თეთრიანი ტარიფი დაწესდეს და გვქონდეს განატლების უფლება, რადგან ასეტ პირობებსი ჩვენ უბრალოდ უნივერსიტეტში სიარულს ვერ შევძლებთ,“- ამბობს ერთ-ერტი სტუდენტი.

რუსთავის მერის მოადგილის, ნოდარ შეროზიას, განცხადებით, რუსთავის ბიუჯეტს ამ ეტაპისთვის მხოლოდ სოციალურად დაუცველი სტუდენტების დაფინანსების საშუალება აქვს და დანარჩენი სტუდენტებისთვის სხვა ტარიფის დაწესება ჯერჯერობით არ განიხილება.

„ამ დროისთვის განცხადებით ვინც მოგვმართა, 66 სტუდენტია და დაკმაყოფილებულია. მაგრამ ამ მიმართულებით პროგრამა გვაქვს გათვლილი 500 სტუდენტზე. ჩვენ ინტერტრანსთან, ვინც ემსახურება გადაყვანას თბილისი-რუსთავის მიმართულებით, დღესაც ველაპარაკეთ, ადრეც გვქონდა მასთან შეხვედრა და თვითონ კომპანიაც გეგმავს გარკვეული მიმართულებებით ტარიფის შეღავათების გავრცელებას სტუდენტებზე,“ - განაცხადა ნოდარ შეროზიამ.