თბილისში 10 წლის ბავშვი გარდაიცვალა - მენინგიტის საფრთხე თუ უბედური შემთხვევა?!

საზოგადოება - 16:56, 05 Dec, 2016

49926

თბილისში 10 წლის მოზარდი გარდაიცვალა. როგორც "ნიუპოსტს" იაშვილის სახელობის ბავშვთა კლინიკაში განუცხადეს, ბავშვი კატსტროფის ბრიგადამ სამედიცინო დაწესებულებაში გადაიყვანა, თუმცა საავადმყოფოში შესვლის მომენტში იგი უკვე გარდაცვლილი იყო და არავითარ სამედიცინო ჩარევას აზრი აღარ ჰქონდა.
,,ნიუპოსტის" ინფორმაციით, გოგონა 146-ე საჯარო სკოლის მოსწავლე იყო. სკოლის დირექტორი გარდაცვალების ფაქტს ადასტურებს, თუმცა კონკრეტულ მიზეზს არ ასახელებს და ვარაუდობს, რომ შესაძლოა გოგონა ანევრიზმის შედეგად დაიღუპა.

როგორც გარდაცვლილი ბავშვის თნაკლასელთა მშობლების ნაწილი აცხადებს, უბედური შემთხვევის მიზეზი შესაძლოა მენინგიტი იყოს. თუმცა, სკოლის დირექტორი "ნიუპოსტთან" საუბრისას მენინგიტის ფაქტს უარყოფს.

როგორც ,,ნიუპოსტს" ერთ-ერთმა მშობელმა განუცხადა, სკოლა პანიკამ მოიცვა, მისი თქმით, არსებობს მენინგიტის ვირუსის გავრცელების საფრთხე, სკოლის ხელმძღვანელობა კი ამას საგულდაგულოდ მალავს. მშობლები ბავშვებს სკოლაში არ უშვებენ.

„ნიუპოსტს“ მომხდარი შინაგან საქმეთა სამინისტროში დაუდასტურეს. შემთხვევა გუშინ ღამით მოხდა. საქმეზე გამოძიება საქართველოს სისხლის სამართლის კოდექსის 116-ე მუხლით მიმდინარეობს.