გაზეთ „პრაიმტაიმში“ გამოქვეყნებულ სტატიას, რომლშიც საუბარი იყო იმაზე, რომ მეუფე თეოდორეს მილიონ-ნახევარ დოლარად შეფასებული საცხოვრებელი სახლი ჩამოართვეს საპატრიარქო ოფიციალური ინფორმაციით გამოეხმაურა, შემდგომში კი ამ თემაზე ქადაგებისას ისაუბრა მეუფე იაკობმაც. მისი თქმით ის ადამიანი, რომელმაც საპატრიარქოდან ინფორმაცია გაიტანა, მეუფე იაკობთან დაახლოებულმა პირმა გალახა:

„სამწუხაროდ ამ ბოლო პერიოდში ვიღაც ვიღაცეები, არა მარტო არასამთავრობოები, სოციალური მედია, პარტიული თუ ისე ტელევიზიები ცდილობენ რომ ცუდი წერონ ეკლესიაზე. არის ასეთი გაზეთი პრაიმტაიმი დაიწერა სტატია ერთ-ერთ ეპისკოპოსზე, რაც იყო სიცრუე. ჩავეძიე ამას, ვისგან იყო წამოსული და ვინ დაწერა. ჯერ ვინც დაწერა გვარიც ვერ მიუთითა სწორად. მე ამას არ გეტყოდით გუშინ უწმინდესთან რომ არ ვყოფილიყავი მისული. მივედი, გავესაუბრე. ხუთშაბათს ერთ-ერთი იმ გუნდიდან [ინფორმაციის წყარო] საპატრიარქოშივე გაილახა. მაგაზეც მივედი უწმინდესთან, რადგან ჩემთან მხარში მდგომმა მიბერტყა ის ადამიანი, თუ შეიძლება მას ადამიანი ვუწოდოთ თავისი ყოფაქცევით და თავისი განვლილი ცხოვრებით და დღევანდელით. ასევე ვუთხარი ჯერჯერობით მხოლოდ ორ ადამიანზე, რომელთა მიმართაც მივიღე გადაწყვეტილება. იმ სამსახურს გავუუქმებ, მაგრამ უწმინდესს შევპირდი, რომ მასთან გავივლი ამ საკითხს, ისე რომ არ დაზარალდეს. დაცვის სამსახურზე მაქვს საუბარი. ტყუილად გონიათ, რომ ან სიძეობა ან რამე იმუნიტეტია, არც ეპისკოპოსობა არაა არავისთვის იმუნიტეტი. თქვენ ხედავთ, რომ დიდი ხანია აღარ ვჩნდებოდი, საერთოდ ვაპირებდი ეპისკოპოსობიდან წასვლას, მაგრამ ახლა ეკლესიის წინააღმდეგ წავიდა ბრძოლა და ამ დროს მე ვიტვირთავ იმას, რომ ჩვენი ეკლესია ასეთი ხალხისგან გავათავისუფლო. უწმინდესმა ადრეც გაუშვა ეგ სამსახური, მაგრამ ვიღაცეების იმით დარჩნენ. მანამდეც და დღესაც უხეშად ერეოდნენ. მე თუ მეხებიან არაფერია, მე ვალდებული ვარ მოვითმინო. ჩემთვის ღირსება უპირველესია ეპისკოპოსობა არაფერს არ ნიშნავს, მე ღირსებას ვირჩევ და გავაკეთებ რაც გასაკეთებელია. დროც მივეცი, რომ ისინი ვინც იცავენ, დაიცვან თორემ იმათაც მივაყოლებ ზედ. ბრძოლის არასოდეს არ შემშინებია. საქართველო ძალიან პატარაა და ძალიან მალე ვიგებ ვინ ვის რას უკვეთავს, ამიტომ ყველას მივხედავ. ისე გავაკეთებ რომ ეს სამსახური არ დაზიანდეს, არის რამდენიმე წესიერი ადამიანი იქ, დანარჩენი ამ ადამიანის მონები არიან და ასრულებენ არ ვიცი, მაგასაც შევამოწმებთ ვინმეს შეიარაღებული ლაშქარი არის თუ არა ეკლესიაში და მაგათაც მივხედავთ."- განაცხადა მეუფე იაკობმა.