"დედას მონასავით ექცეოდა, 2500 ლარის გამო 7 ტყვია ესროლა"- სენაკში მომხდარი სასტიკი მკვლილობის დეტალები

კრიმინალი - 12:52, 01 Dec, 2016

32289

"ნიუპოსტისთვის" სენაკში, ე.წ უსინათლოთა დასახლებაში მომხდარი შემზარავი მკვლელობის დეტალები გახდა ცნობილი.

50 წლამდე ლალი (ეკა) ფარულავა მისივე უფროსმა ვალის გამო მოკლა. როგორც "ნიუპოსტთან" გარდაცვლილის შვილი თამუნა ფარულავა ყვება, ბრალდებული ფულს აპროცენტებდა და თანხა იარაღის მუქარით ხშირად ამოჰქონდა.

მოკლულის შვილის თქმით, დედამისი ბაზარში დაკავებულ ქეთინო ლ-ს ობიქეტზე გამყიდვლად მუშაობდა.

"დედაჩემს მონასავით ექცეოდა, ძაღლივით ამუშავებდა, მძიმე ყუთებს აზიდინებდა, ურთიერთობა მას შემდეგ დაეძაბათ, რაც დედამ 2 500 ლარი ისესხა მისგან. ბოლოს კი უსინათლოთა დასახლებაში დაიბარა და 7 ტყვია ესროლა, აქიდან ერთი თავში საკონტროლო გასროლაა"- აცხადებს გარდაცვლილის შვილი.

მისივე თქმით, დაკავებულს ადგილობრივ პოლიციასთან კარგი ურთიერთობა ჰქონდა, ამიტომ უპრობლემოდ ატარებდა ცეცხლსასროლ იარაღს.

მკვლელობაში ეჭვმიტანილი უკვე დაკავებულია. როგორც "ნიუპოსტს" შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

დაკავებულს 7 დან 14 წლამდე პატიმრობა ემუქრება.

უწყება სხვა დეტალებზე არ საუბრობს. რაც შეეხება გარდაცვლილს ის პროზექტურაშია გადასვენებული. ფარულავას 7 ტყვია, აქვს მოხვედრილი.

გარდაცვლილის ოჯახი მძიმე სოციალურ პირობებში ცხოვრობს. ქალს ორი შეზღუდული შესაძლებლობის მქონე ვაჟი ჰყავს, ის პირველი ჯგუფის შშმ პირს უვლიდა.

დავით ჯაბაშვილი - "ნიუპოსტი"