„არჩევნების ჩატარებას საფრთხე არ დაემუქრება“ - თსუ-ს რექტორი აუდიტორია 115-ს მხოლოდ ნაწილობრივ ეთანხმება

საზოგადოება - 11:20, 25 Nov, 2016

1329

თსუ-ს რექტორის გიორგი შარვაშიძის განცხადებით, აქციის მიუხედავად, თვითმმართველობის არჩევნები ჩატარდება ჩვეულებრივ გარემოში და ნებისმიერ მსურველს შესაძლებლობა ექნება არჩევნებში მონაწილეობის მიღების.

”აუდიტორია 115“-ის პოზიციას, რომ ყველა სტუდენტი თანასწორია, რომ უნივერსიტეტს უნდა ჰქონდეს ავტონომია, ბუნებრივია, ვეთანხმები, მაგრამ პროტესტის ფორმა ნამდვილად არ მომწონს და არ მინდა, რომ სასწავლო პროცესს, ხელი შეეშალოს. ყველამ კარგად იცოდა, რომ 25 ნოემბერს არჩევნები უნდა ჩატარებულიყო. კანონდებლობაზე პარლამენტმა ახლა დაიწყო მუშაობა და არის საშუალება რომ კანონდებლობა გაუმჯობესდეს. მე ვვარაუდობ, რომ ავტონომიის პრინციპის გაზრდით უნდა მოხდეს კანონდებლობის გაუმჯობესება. იმედი მაქვს, რომ თავად სტუდენტები შეძლებენ, განსაზღვრონ როგორი მოწყობა უნდათ“,-აღნიშნა შარვაშიძემ.

რექტორმა ”აუდიტორია 115”-ის მოთხოვნებზეც გააკეთა განცხადება და აღნიშნა, რომ უნივერსიტეტის ხელმძღვანელობა კანონის შესაბამისად მოქმედებენ.

„ჩვენ ვიმოქმედებთ კანონის შესებამისად, მისი სრული დაცვით“,- აღნიშნა გია შარვაშიძემ. არჩევნები ჩვეულებრივ გარემოში ჩატარდება, ვისაც უნდა არჩევნებში მონაწილეობა, მიიღებს. კანონიდან გამომდინარე დღეს არის ბოლო ვადა არჩევნების ჩატარების და ეს ყველამ იცოდა”, - განაცხადა შარვაშიძემ.